Bismillaahi Raxmaani Raxiim 1:Waxaan marka hore iyo marka dambeba xamdiga, mahadda iyo ammaanta oo dhan u celinayaa Allaah (Subhaanahu wa Tacaalaa) oo ii fududeeyay qabanqaabada iyo dhammaystirka munaasibaddan barakaysan, igana yeelay mid ku guuleysta dhammaystirka qoys ku dhisan diinta islaamka Wax kasta oo suurtaggalay waxay ku yimaadeen fadliga, naxariista iyo taakuleynta Eebbe, sidaas darteed mahad oo dhan Allaah ayaa leh. 2: Marka xigta, waxaan u mahadcelinayaa xaaskayga qaaliga ah, gabadha aan nolosha wadaagnay Umalkhair maxed maxud muxumed oo ahayd gabadh ila soo halgantay, dhiirrigelin iyo garab-istaag aan kala go'aynna iigu muujisay tubta dheer ee aan usoo marnay dhismaha reerkan yagleelmay. Waxaan Eebbe ka baryaynaa inuu guurkayaga ka yeelo mid barakaysan oo ku dhisan maamuus, jacayl, is-faham iyo kalsooni waarta. 3: Sidoo kale, guntii iyo go'aankii hawshan, waxaan u mahadcelinayaa waaliddiintayda qaaliga ah iyo dhammaan xubnaha qoyska ee meherkayga u istaagay, ee u gole fariistay marwadayda una doonay sidii Milgaha dhaqankeenu ahaa, una hagar-baxay ,Waxaad ahayddeen hooska iyo tiirka uu ku taagnaa arrinkani dadaalkiina iyo ducooyinkiinana ilaah baa idinka abaal-marin doona. Dhanka kale, waxaan u mahadcelinayaa asxaabtayda qiimaha badan oo habeen iyo maalin aan ka seexan hawshayda, xil weynna iska saaray inuu meherku si heer sare ah u dhaco. Tahniyadihiina, ducadiina, iyo garab-staagiina hagar-la'aanta ahi waxay igu beerreen farxad iyo kalsooni aan la qeexi karin. Ugu dambayntii, waxaan u mahadcelinayaa dhammaan walaalaha, ehellada, iyo asxaabta daafaha dunida iiga soo hambalyeeyay wax kasta oo ay awoodayeen oo duco iyo hiil ahna ila garab istaagay. Sidoo kale, waxaan u mahadcelinayaa intii uu waqtigu u samixi waayay inay madasha munaasibadda nagala soo qayb-galaan, oo ducadooda iyo hambalyadoodu na soo gaadhay. Waxaan dhammaantiin idinka baryayaa inaad duco nala garab taagnaataan, Eebbena waxaan ka baryayaa inuu reerkan ka yeelo mid ku dhisma khayr, nabadgelyo, ubad صالح ah, iyo barako waarta. Mahadsanidin dhammaantiin. - @guuleedreygal