🎃 Tetori = sezoni i supave 🍲🍂 Sot provova një supë kineze pule pa ujë — dhe po, quhet supë edhe pse nuk i shtova asnjë pikë ujë dhe as vaj. 😅 Në tenxhere vendosa pulën së bashku me lakër të bardhë, selino, lakër kineze, qepë, majdanoz, mollë jeshile 🍏, xhenxhefil, goji berries dhe përzierjen time të erëzave. Pak kripë ndihmon perimet të lëshojnë lëngun e tyre dhe gjatë gatimit krijohet gradualisht i gjithë lëngu që shihni në fund. 🍲 Pra, uji që shihni në supë vjen nga vetë përbërësit. 💧 Dhe pjesa ime e preferuar? Kur u ftoh, lëngu u kthye pothuajse në xhelatinë. Kjo ndodh sepse gjatë gatimit të pulës, sidomos kur përdoren pjesë me lëkurë, kocka dhe ind lidhor, kolagjeni shpërbëhet dhe kalon në lëng në formën e xhelatinës. 🍗 Nga ana ushqyese, kemi një kombinim shumë të mirë: 🥬 lakrat dhe perimet → fibra, folate, vitaminë C dhe fitonutrientë 🫚 xhenxhefili → gingerolë dhe komponime të tjera bioaktive 🔴 goji berries → karotenoide, veçanërisht zeaxanthinë 🍎 molla jeshile → fibra dhe polifenole 🍗 pula → proteina me vlerë të lartë biologjike Jemi në tetor, temperaturat po bien dhe bashkë me to fillon edhe sezoni i virozave dhe gripit. Sigurisht, asnjë supë nuk parandalon apo kuron gripin, por një ushqyerje e balancuar, proteina të mjaftueshme, vitamina, minerale dhe hidratim i mirë mbështesin funksionimin normal të sistemit imunitar. 🤍 Unë përgatis edhe plane ushqimore të personalizuara sipas analizave, nevojave dhe objektivave individuale, për rënie në peshë, PCOS, mirëqenie dhe krijimin e zakoneve ushqimore të qëndrueshme. 📩 Sepse ushqyerja e shëndetshme nuk ka pse të jetë pulë e thatë me sallatë çdo ditë. 😅🍲 Tetori sapo filloi. Sezoni i supave është zyrtarisht i hapur. 🎃🍂 #chinese #chinesefood #soup #broth #chicken - @kristinakore7