#അസ്വസ്ഥത ....🤔🤔 ഏതെങ്കിലും മുസ്ലിം പെൺകുട്ടി അന്യ സമുദായക്കാരനെ കല്യാണം കഴിച്ച വിവരമറിയുമ്പോൾ, നിങ്ങളുടെ മനസ്സ് അസ്വസ്ഥമാവുന്നുണ്ടെങ്കിൽ ആ അസ്വസ്ഥത അനാവശ്യമാണ് എന്ന യാഥാർത്ഥ്യം തിരിച്ചറിയുക. കാരണം അത് നിങ്ങളുടെ പരലോക മോക്ഷത്തെ ബാധിക്കുന്ന കാര്യമല്ല. മറ്റുള്ളവർ വെള്ളിയാഴ്ച പള്ളിയിൽ പോവാതിരുക്കുന്നത് കണ്ടാൽ, റമളാനിൽ നോമ്പനുഷ്ഠിക്കാതെ ഭക്ഷണം കഴിക്കുന്നത് കണ്ടാൽ നിങ്ങൾ അസ്വസ്ഥനാവാതിരിക്കുക. കാരണം അത് നിങ്ങളുടെ പരലോക മോക്ഷത്തെ ബാധിക്കുന്ന കാര്യമല്ല. ഒരു മുസ്ലിം പെണ്ണ് തല മറക്കാതെ നടക്കുന്നത് കണ്ടാൽ നിങ്ങൾ അസ്വസ്ഥനാവേണ്ടതില്ല. അത് അവളുടെ കാര്യമാണ്. നിങ്ങളുടെ പരലോക മോക്ഷത്തെ ബാധിക്കുന്ന കാര്യമല്ല. ഒരു മുസ്ലിം മന്ത്രി നിലവിളക്ക് കൊളുത്തിയ വാർത്ത കേട്ടാൽ, നെറ്റിയിൽ കുറി തൊട്ട വാർത്ത കേട്ടാൽ നിങ്ങൾ അസ്വസ്ഥനാ വാതിരിക്കുക. അത് നിങ്ങളുടെ പരലോക മോക്ഷത്തെ ബാധിക്കുന്ന കാര്യമല്ല. നിങ്ങൾ സുന്നി യാണെങ്കിൽ, കുറെയാളുകൾ മുജാഹിദായ വാർത്ത കേട്ട് അസ്വസ്ഥനാവേണ്ടതില്ല. നിങ്ങൾ മുജാഹിദാണെങ്കിൽ കുറെയാളുകൾ സുന്നിയായ വാർത്ത കേൾക്കുമ്പോൾ അസ്വസ്ഥനാവേണ്ടതില്ല. കാരണം അത് നിങ്ങളുടെ പരലോക മോക്ഷത്തെ ബാധിക്കില്ല. ഒരാൾ ഇസ്ലാം മതം വിട്ട് വേറെ മതം സ്വീകരിച്ചാൽ നിങ്ങൾ അസ്വസ്ഥനാവേണ്ടതില്ല. അത് അയാളുടെ കാര്യമാണ്. നിങ്ങളുടെ പരലോക മോക്ഷത്തെ ബാധിക്കുന്ന കാര്യമല്ല. ഒരു ശാസ്ത്ര കണ്ടുപിടുത്തം മതപ്രമാണങ്ങൾക്കെതിരാവുമോ എന്നോർത്ത് നിങ്ങൾ അസ്വസ്ഥനാവേണ്ടതില്ല അതിന്റെ ഉത്തരവാദിത്തം നിങ്ങൾക്കില്ല.... #പകരം നിങ്ങൾ ചെയ്യുന്ന കച്ചവടത്തിൽ പറ്റിക്കലിന്റെ ഗണത്തിൽ പെടുന്ന എന്തെങ്കിലുമുണ്ടോ എന്നോർത്ത് അസ്വസ്ഥനാവുക. ''വിശ്വാസികളേ നിങ്ങള്‍ പടച്ചവനെ സൂക്ഷിക്കുക. പലിശയിനത്തില്‍ ബാക്കിയുള്ളത് ഉപേക്ഷിക്കുക. നിങ്ങള്‍ വിശ്വാസികളെങ്കില്‍!'' ഈ നബി വചനമോര്‍ത്ത് അസ്വസ്ത്ഥനാകുക. സാധനങ്ങൾ വിൽക്കാൻ വേണ്ടി കളവ് പറഞ്ഞ് പോവുന്നുണ്ടോ എന്നോർത്ത് അസ്വസ്ഥനാവുക. ദൈനംദിന ജീവിതത്തിൽ വാക്ക് പാലിക്കാൻ സാധിക്കുന്നുണ്ടോ എന്നോർത്ത് അസ്വസ്ഥനാവുക. നിങ്ങളുടെ ഇടപാടുകളിൽ വഞ്ചന വരുന്നുണ്ടോ എന്നോർത്ത് അസ്വസ്ഥനാവുക. പണമുണ്ടാക്കൽ നിങ്ങളുടെ ഒരേയൊരു ലക്ഷ്യമായി മാറുന്നുണ്ടോ എന്നോർത്ത് അസ്വസ്ഥനാവുക. ഊഹക്കച്ചവടം നടത്തേണ്ടി വരുന്നതിൽ അസ്വസ്ഥനാവുക. നിങ്ങളുടെ പെരുമാറ്റത്തിൽ പരിഹാസം വരുന്നുണ്ടോ എന്നോർത്ത് അസ്വസ്ഥനാവുക. നിങ്ങളുടെ ചിരി "#ആക്കിയ " ചിരിയാവുന്നുണ്ടോ എന്നോർത്ത് അസ്വസ്ഥനാവുക. നിങ്ങളുടെ സാന്നിദ്ധ്യം അയൽവീട്ടുകാരന് അലോസരമാവുന്നുണ്ടോ എന്നോർത്ത് അസ്വസ്ഥനാവുക. നിങ്ങളുടെ ചിലവഴിക്കലിൽ ധൂർത്ത് വരുന്നുണ്ടോ എന്നോർത്ത് അസ്വസ്ഥനാവുക. അഴിമതി നടത്തുന്ന പാർട്ടിയിൽ പ്രവർത്തിക്കുന്നതിൽ അസ്വസ്ഥനാവുക. നിങ്ങളുടെ സ്വദഖ ദാനധർമ്മങ്ങൾ കുറഞ്ഞ് പോവുന്നുണ്ടോ എന്നോർത്ത് അസ്വസ്ഥനാവുക. സർക്കാറിനെ പറ്റിക്കാൻ വേണ്ടി സർക്കാറാഫിസിൽ കൈക്കൂലി കൊടുക്കുന്നുണ്ടോ എന്നോർത്ത് അസ്വസ്ഥനാവുക. ജോലി കിട്ടാൻ വേണ്ടി റെക്കമെന്റ് നടത്തുന്നുണ്ടോ എന്നോർത്ത് അസ്വസ്ഥനാവുക. നിങ്ങൾ ജയിക്കുമ്പോൾ നിങ്ങൾ തോൽപ്പിച്ചവന്റെ മനസ്സ് വേദനിക്കുന്നുണ്ടോ എന്നോർത്ത് അസ്വസ്ഥനാവുക..... #ആദ്യംപറഞ്ഞഅസ്വസ്ഥതകൾ #നിങ്ങളുടെയുള്ളിൽ . അവസാനം പറഞ്ഞ അസ്വസ്ഥതകൾ [ഞാന്‍ പറഞ്ഞത് ഞാന്‍ ഉള്‍പ്പെടുന്ന എന്റെ സമുദായത്തോടാണ്.] Nb.''നമുക്ക് നാമേ പണിവതു നാകം നരകവുമതുപോലെ'' എല്ലാ മനുഷ്യരും[സകല ജാതി മതവിശ്വാസികളും] ഇതുപോലെ ഒക്കെ ചിന്തിച്ച് തീരുമാനിച്ചുറപ്പിച്ചാല്‍ നാട് സ്വര്‍ഗ്ഗമാക്കാം🙏.... ----ഹബീബ് മൂസ ----- - @kuningarathabdulla1