دل بے تاب ہے لیکن سمجھ آندی کہ کہڑی گہل دا انتظار ہے کڈاہیں کڈاہیں انسان اتنا تھک ویندے کہ روونڑ وی مشکل لگدے اور اپنڑے ہی دل دا حال کہیں کوں ڈس وی نیں سگدا چہرے تے کوڑی مسکراہٹ سجائی پھردے لیکن اندر ہک اینجھی خاموش جنگ چلدی پئی ہوندی ہے جیندا کہیں کوں انداز نیں ہوندا اساں وی کڈاہیں کہیں کوں دل نال چاہیا ہئی اتنا کہ اپنڑی خوشی کے زیادہ اوندی خوشی عزیز ہئی اوندی ہک مسکراہٹ کیتے اپنڑی ہزاز پریشانیاں بھلا ڈیندے ہاسے آوندے ہک الفاظ سنڑ کے پورا رات خوشی نال گزار ڈیندے ہاسے مگر شاید محبت اچ ساڈی قسمت خراب ہئی جیکوں اپنڑا سمجھا او وقت نال انڑ جانڑ بنڑدا گئے اور جیندے کیتے دل نال سب کجھ قربان کیتے اوہو شخص آخر کار تنہائی دے کھو اچ دکھا ڈے گئے ہنڑ اے حالت ہے نہ کہیں کے کوئی گلہ کرنڑ دا دل آہدے اور نہ اپنڑی تکلیف بیان تھیندی ہے ہنڑ بس خاموش رہونڑ دل آہدے لوکیں دے درمیان رہ کے وی تنہا محسوس کریندے ہیں رات تھیندی ہے تاں یاداں جاگ اٹھدن اکھیں بند کریندا تاں گزریا ہویا وقت سامنڑے آ ویندے اور دل بار بار ہک سوال کریندے آخر میڈی محبت اچ کمی کتھاں رہ گئی اے کاش کوئی سمجھ سگدا کہ خاموش انسان دے اندر کتنے شور ہوندن کاش کوئی پچھدا کہ کھل دے پچھو کتنے درد لکے ہوندن اتھاں ہر کہیں کوں صرف چہرہ نظر آندے کہیں کوں وی دل دی حالت نظر نیں آندی ہنڑ تاں دل وی من گِدے کہ ہر چاہت دا انجام ملنڑ نیں ہوندا ہر رشتہ ہمیشہ کیتے نیں ہوندا اور ہر اپنڑا آخر تک اپنڑا نیں رہندا کجھ لوک ساڈی زندگی اچ صرف محبت دا مطلب اور درد دی گہرائی سمجھاونڑ کیتے آندن ول ساکوں ہمیشہ کیتے تنہائی دے حوالے کر کے لگے ویندن میں اج وی کڈاہیں کڈاہیں کلہے بہہ کے اپنڑی خاموشی کے پچھدا اگر او میڈا ہئی وی کائنا ول دل اپنڑا کیوں منیدے اوکوں اگر اوکوں ونجڑا وی ہئی تاں میڈی زندگی اچ آیا کیوں ہئی اگر آخر تے اتنا درد ہی ڈیونڑا ہئی تاں اتنی محبت کیوں ڈتی ہئی ہنڑ بس دل بے تاب رہندے اکھیں نم رہندن اور روح تھکی تھکی لگدی ہے نہ پہلے جئی خوش باقی ہے نہ کہیں کے کوئی امید بس ہک عجیب جئی خاموشی ہے جہڑہی ہر وقت نال رہ ویندی ہے کجھ زخم اینجھے ہوندن جہڑے وقت دے نال بھرنڑ دی بجائے انسان دا حصہ بنڑ ویندن اور کجھ لوک اینجھے ہوندن جنہیں کوں بھلاونڑ دی لکھ کوشش کر گھنوں لیکن دل کہیں کونے اچ ہمیشہ زندہ رہ ویندن شاید ایہا زندگی ہے کجھ خواب ادھورے؟ کجھ رشتے نامکمل؟ کجھ لوک بے وفا؟ اور ہک دل جہڑہا سارا کجھ سہہ کے خاموش رہ ویندے تحریر لکھت ثقلو لغاری ✍️ @(ف)رازو۔۔۔🍂 @فراز_بغلانی❤️‍🩹 - @farazoo_jind