@elzapet2: بمناسبة الأزمة الأخيرة وموضوع شكوى حسام عبدالمجيد ضد الزمالك في الفيفا بصوا على الفرق بين لاعبين !؟ على اليمين كابونجو كاسونجو لاعب محترف قضى فترة قصيرة جدا في الزمالك لا هو ابن النادي ولا اتربى فيه ولا عاش سنين وسط جماهيره وفي آخر يوم في القيد الزمالك استغنى عنه والنتيجة إنه كان مهدد يقعد ٦ شهور من غير لعب وفي نفس اليوم طلع مع إعلامي مشهور واتقاله إن الزمالك استغنى عنه بطريقة صعبة وإنه ممكن يقعد في البيت رد كاسونجو وقتها بكل هدوء وقال إنه مش زعلان وإنه خرج من الزمالك لاعب وهيفضل مشجع للنادي طول عمره والأهم إنه ساب جزء كبير من مستحقاته للنادي واللي قيل إنها كانت حوالي ٣٠ مليون جنيه على الناحية التانية حسام عبدالمجيد لاعب اتربى جوه الزمالك وعاش سنين في النادي ولعب وغلط والجمهور فضل واقف في ضهره واستحمل أخطاءه ودافع عنه لحد ما وصل للفريق الأول وبقى لاعب أساسي ووصل لمنتخب مصر واحترف خارج مصر وبعد كل ده بدل ما تكون نهاية العلاقة فيها تقدير ووفاء للنادي اللي صنع اسمه بنلاقي إن الموضوع وصل لشكوى في الفيفا بسبب مستحقات متأخرة يا حسام محدش بيقولك متطالبش بحقك ولو ليك فلوس عند النادي خدها بالقانون ده حقك لكن فيه حاجة اسمها تقدير ووفاء وافتكار مين وقف جنبك ومين اداك الفرصة ومين الجمهور اللي استحملك ودافع عنك في أصعب أوقاتك كاسونجو اللي مكنش ابن النادي ساب وراه موقف يتحكي عنه وأنت اللي اتربيت جوه الزمالك كان المفروض تحافظ على صورتك وعلاقتك بالنادي أكتر من كده الفلوس بتتسدد وتتنسى إنما الطريقة اللي بتخرج بيها من بيتك هي اللي بتفضل في ذاكرة الناس 🔥👌#حسام_عبدالمجيد #zamalek #الزمالك_مدرسة_الفن_والهندسة #zamalek #السوبر_الافريقي

الظابط👮‍♂️🦅

Open In TikTok:

Region: EG

Wednesday 07 October 2026 07:00:12 GMT