@jambotv_: VIDEO: Makamu Mwenyekiti wa Baraza la Vyama vya Siasa, Aggrey Mwanri, amesema inawezekana katika uchaguzi uliopita kulikuwa na baadhi ya mapungufu, lakini amewataka wadau wa siasa kukaa pamoja na kuyajadili kwa mazungumzo ili kubaini yaliyokwenda vizuri na maeneo yanayohitaji maboresho. Mwanri amesema baada ya uchaguzi, ni muhimu vyama vya siasa kuangalia masuala mapana yanayolihusu taifa, ikiwemo uwekezaji, elimu, miundombinu na huduma za afya, badala ya kubaki katika tofauti za kisiasa. “Inawezekana kabisa katika jambo kubwa kama hili la uchaguzi kuna mapungufu yanaweza kujitokeza. Kuna mambo ambayo mtu akaona hayakuenda vizuri. Sisi tufike mahali tuketi wote kwa pamoja, tuzungumze na tuseme hili lilikwenda vizuri, lakini hili tunalirekebisha.” amesema Mwanri. Amesema mazungumzo na maelewano kati ya vyama ni muhimu kwa mustakabali wa taifa, akieleza kuwa mazingira yenye kutokuelewana yanaweza kuathiri hata imani ya wawekezaji katika nchi.

Jambo TV

Open In TikTok:

Region: TZ

Wednesday 07 October 2026 09:54:22 GMT