የግል ባለሃብቶችን በስፖርቱ ዘርፍ ማሳተፍ የስፖርት ቱሪዝምን ለማነቃቃት ከፍተኛ አስተዋጽኦ እንዳለው ተገለጸ መስከረም 26 ቀን 2019 ዓ/ም ወጣቶችና ስፖርት ቢሮ የግል ባለሃብቶችን በስፖርቱ ዘርፍ በስፋት ማሳተፍ አገራዊ የስፖርት ቱሪዝምን ለማነቃቃት እና ዘርፉን ወደ ላቀ ደረጃ ለማሸጋገር ከፍተኛ አስተዋጽኦ እንዳለው ተገለጸ። የአዲስ አበባ ከተማ አስተዳደር ቦክስ ፌዴሬሽን አብዲሳ ሚደቅሳን የፌዴሬሽኑ ፕሬዘዳንት እንዲሆኑ በሙሉ ድምጽ አጽድቋል በንግዱ ዓለም የካበተ ልምድ ያላቸው አብዲሳ ወደ አመራርነት መምጣታቸው የቦክስ ስፖርትን ይበልጥ ለማስፋፋት እንደሚያግዝ የገለጹት የፌዴሩሽኑ ጽ/ቤት ኃላፊ የውብዳር ጌትነት ባለሃብቶች በስፖርት መሰረተ ልማቶች፣ በውድድር እና በስፖርተኞች ላይ የሚያደርጉት ኢንቨስትመንት ዘርፉን ይበልጥ ውጤታማ እንደሚያደርግ ገልጸዋል የቦክስ ስፖርት በኢትዮጵያ ከፍተኛ መነቃቃት እና ተወዳጅነት አለው ያሉት የውዳር ፕሮፌሽናል ውድድሮችን ማዘጋጀት እና ስፖርቱን ይበልጥ ለማስፋፋት እንደሚሰራ ገልጽዋል ። ጠቅላላ ጉባኤው የፌድሬሽኑን የ2017 ዓ.ም ጠቅላላ ጉባኤ ቃለ ጉባኤ፣ የ2018 ዓ.ም በጀት ዓመት እቅድ አፈፃፀም ሪፖርት እና የ2019 ዓ.ም ዕቅድ ላይ ሰፊ ውይይት በማድረግ በሙሉ ድምፅ አጽድቋል። ብቃት ያላቸው ወጣት ቡጢኞች ላይ መዋዕለ ንዋይ ማፍሰስ ሀገራዊ ፋይዳው ከፍተኛ መሆኑ በመድረኩ የተመላከተ ሲሆን ሌሎች የግል ባለሃብቶችም የቦክስ ስፖርትን ጨምሮ በሌሎች የስፖርት ዘርፎች ንቁ ተሳትፎ እንዲያደርጉ ጥሪ አቅርበዋል https://linktr.ee/YouthandSport1 - @asefaw.sheferaw