@usera1casr5nx4zizu: በኢሚሬትስ የ7 ዓመቱን የማዳሟን ልጅ ያተረፈችው የማዳም ቅመም ትልቅ ክብር እና ምስጋና እየተቸራት ይገኛል። የ25 ዓመቷ ወጣት ኢትዮጵያዊት የቤት ሠራተኛ በፉጃይራህ የፈጸመችው አስደናቂ የጀግንነት ገድል በተባበሩት አረብ ኤምሬትስ ፉጃይራህ ግዛት መራሺድ በተባለ ስፍራ፣ አንዲት ዕድሜዋ ገና 25 ዓመት የሆነች ወጣት ኢትዮጵያዊት የቤት ሠራተኛ ያሳየችው ድፍረትና የላቀ የሰው ወዳድነት ተግባር በብዙዎች ዘንድ ከፍተኛ አድናቆትን እያተረፈ ይገኛል። እንደ አገር ውስጥ መገናኛ ብዙሃን ዘገባ፣ በስራ ላይ በነበረችበት መኖሪያ ቤት በስተጀርባ የተሸፈነ ጥልቅ የውሃ ጉድጓድ ክዳን በድንገት በመደርመሱ ምክንያት፣ ወጣቷ ኢትዮጵያዊት እና እሷ ዘንድ የነበረው የ7 ዓመት ታዳጊ ህጻን አብረው ወደ ጥልቁ ጉድጓድ ውስጥ ወድቀዋል። በወደቀችበት ቅጽበት በአደጋው ምክንያት የአንደኛ እግሯ አጥንት የተሰበረ ቢሆንም፣ የራሷን ህመም እና ስቃይ ወደ ጎን በመተው ህጻኑ ወደ ጥልቁ እንዳይሰጥም በከፍተኛ ጥንካሬ በጉድጓዱ ውስጥ የነበረውን የብረት መዋቅር ተደግፋ ህጻኑን አጥብቃ በመያዝ የአደጋ ጊዜ ሰራተኞች እስኪደርሱ ድረስ ሳትለቅ አቆይታዋለች። የፖሊስ፣ የሲቪል ዲፌንስ እና የብሔራዊ አምቡላንስ የመታደግ ቡድኖች ቦታው ደርሰው የማውጣት ስራ ሲጀምሩ፣ ጀግናዋ ወጣት እሷ ከመውጣቷ በፊት ህጻኑ ቅድሚያ ተሰጥቶት ህይወቱ እንዲተርፍ አድርጋለች። ታዳጊው በሆስፒታል አስፈላጊው ምርመራ ተደርጎለት በጥሩ ጤንነት ላይ በመገኘቱ በማግስቱ የተሸኘ ሲሆን፣ ወጣቷ ኢትዮጵያዊት ግን በደረሰባት የእግር መከሰስ ጉዳት ምክንያት በፉጃይራህ ሆስፒታል በህክምና ላይ ትገኛለች። የፉጃይራህ ሲቪል ዲፌንስ ምክትል ዳይሬክተር ኮሎኔል ካሊድ ራቢ አል ሀሙዲ በሆስፒታል በአካል ተገኝተው ወጣቷን የጠየቋት ሲሆን፣ ላሳየችው የላቀ መስዋዕትነት እና የሰው ህይወት የማዳን ጀግንነት የክብረ ወሰን እውቅና እና ምስጋና አቅርበውላታል። Via GN ስማችን ከፍ ያደረግች ጀግና 👏👏👏

zeyneb endris

Open In TikTok:

Region: SA

Wednesday 07 October 2026 10:47:41 GMT