نەزانم لە کوێ دەست پێ بکەم، چونکە هەموو ئەو هەستانەی کە بەرامبەرت هەمە، زۆر زیاترە لەوەی بتوانم بە چەند وشەیەک دەریببڕم. بەڵام تەنها ئەوە دەزانم کە لە نێوان هەموو ئەو کەسانەی لە ژیانمدا هاتوون و ڕۆیشتوون، تۆ جیاوازترین کەسیت بۆ من. 🤍 لەگەڵ تۆ هەستێکی جیاوازم هەیە، هەستێک کە ناتوانم بە ئاسانی ناوی لێ بنێم. کاتێک قسەت لەگەڵ دەکەم، دڵم ئارام دەبێتەوە، کاتێک پەیامێکت بۆم دێت، بێ ئەوەی خۆم بزانم پێدەکەنم، و کاتێک نییت، هەموو شتێک کەمێک بێ ڕۆحتر دەبێت. من تۆم خۆشدەوێت نەک تەنها بۆ ئەوەی چۆنیت، بەڵکو بۆ ئەو هەستەی کە لەگەڵت هەمە. بۆ ئەو ئارامییەی کە بوونت پێم دەدات، بۆ ئەو خۆشییەی بە قسەیەکی سادەت دێتە دڵم، بۆ ئەوەی لەگەڵ تۆ دەتوانم خۆم بم و پێویستم بەوە نییە خۆم بە کەسێکی تر پیشان بدەم. هەندێک جار لە خۆم دەپرسـم چۆن کەسێک دەتوانێت بەم شێوەیە لە دڵی مرۆڤدا جێگیر ببێت؟ چۆن دەکرێت کەسێک ببێتە بەشێک لە بیرکردنەوەکانی ڕۆژانەت، بێ ئەوەی خۆت هەست بەوە بکەیت؟ بەڵام پاشان تێدەگەم کە هەندێک کەس نابێت هۆکاریان بۆ بدۆزیتەوە، تەنها دەبێت هەستیان پێ بکەیت. ئەگەر ڕۆژێک دڵت خەمگین بوو، دەمەوێت بزانیت کە تەنها نیت. ئەگەر ڕۆژێک هەستت کرد هیچ کەس تێت ناگات، من هەوڵ دەدەم گوێت لێ بگرم. ئەگەر ڕۆژێک ماندوو بوویت لە هەموو شتێک، دەمەوێت ئەو کەسە بم کە لە تەنیشتی دڵت ئارام دەکاتەوە، نە ئەو کەسەی بارێکی زیاتر دەخاتە سەرت. من داوای شتی زۆر گەورە لە خۆشەویستی ناکەم. تەنها دەمەوێت ڕاستگۆیی هەبێت، متمانە هەبێت، لە کاتی ناخۆشیدا پشت یەکتر بەهێز بکەین، و لە کاتی خۆشیدا پێکەوە بخەندین. دەمەوێت ئەگەر کێشەیەک هەبوو، لەگەڵ یەکتر قسەی لەسەر بکەین، نەک لە یەکتر دوور بکەوین. شاید نەبێت هەمیشە بتوانم بە جوانترین وشەکان هەستم بۆت دەرببڕم، شاید هەندێک جار بێدەنگ بم یان نەتوانم بڵێم چی لە دڵمە، بەڵام ئەمە واتای ئەوە نییە کە هەستم کەمە. هەندێک هەست هەن کە زۆر قووڵن و وشە بۆیان کەمە. تۆ بۆ من تەنها ناوێک نییت لە لیستی کەسانی ژیانمدا. تۆ کەسێکیت کە بوونت بۆم واتای هەیە. کەسێکیت کە دەمەوێت لە خۆشییەکانم ئاگادار بێت، لە خەمەکانم تێبگات، و لەگەڵ هەموو ئەو شتانەی ژیانمان پێشمان دادەنێت، بە ئارامی بەردەوام بین. هەرچی زیاتر تۆ دەناسم، زیاتر دەزانم کە خۆشەویستی تەنها ئەوە نییە بە کەسێک بڵێیت «خۆشمدەوێیت». خۆشەویستی ئەوەیە لە کرداردا پیشانی بدەیت، لە کاتی پێویستدا بمێنیت، گوێ بگریت، تێبگەیت، ببوریت و هەموو ڕۆژێک هەوڵ بدەیت ئەو کەسە هەست بە ئارامی بکات. بۆیە ئەگەر هەرگیز لە خۆت پرسیت کە چەندت خۆشدەوێم، تەنها ئەمە لەبیرت بێت: هەندێک کەس دێنە ژیانت و تەنها بەشێک لە بیرەوەریت دەبن، بەڵام هەندێک کەس دێنە دڵت و شوێنێک دروست دەکەن کە بە ئاسانی هیچ کەسێکی تر ناتوانێت پڕی بکات. تۆ بۆ من لە جۆری دووەمی. 🤍 نە دەڵێم ژیان هەمیشە ئاسان دەبێت، نە دەڵێم هەمیشە ڕۆژەکانمان پڕ لە خۆشی دەبن، بەڵام ئەگەر هەر دوو لایەن بە دڵێکی پاک و ڕاست بمێنینەوە، با هەر شتێک هات، بەیەکەوە تێپەڕی. چونکە بۆ من گرنگترین شت ئەوەیە کە لەگەڵ کەسێکی ڕاست و دڵپاک هەست بە ئارامی بکەم. لە کۆتاییدا تەنها دەمەوێت بڵێم: سوپاس بۆ ئەوەی هاتیتە ژیانم، سوپاس بۆ هەموو ئەو ساتە بچووک و جوانانەی کە بێ ئەوەی بزانیت، خۆشییان خستووەتە دڵمەوە. شاید تۆ نازانیت چەند جار تەنها بە قسەیەکی بچووک ڕۆژم جوانتر کردووە. خۆشم دەوێیت، بە شێوەیەکی سادە، ڕاست و لە دڵەوە. و ئەگەر وشەکانم زۆر بن، هەموویان تەنها بۆ ئەوەن بگەیەنن کە تۆ بۆ من کەسێکی ئاسایی نیت. تۆ کەسێکیت کە دڵم بە بوونیت خۆشحاڵە. ❤️ - @itz.mina15