@za33g: گال بعفويه انـه وگلبي ... صفنت بي وبسؤالفه يربي هذا منين يجيبهن ؟ سحبت روحي بخجل وابتعدت عنه ميل راسه وگال بعيدا ع اضافرج وشعررج وعطرج بويه شخبار سنج كتله ع نفس وضعه واخذ من المسكنات مالتك واذا زاد اخلي مخدر گاال بس لازم حشوه باوعتله بطرف عيني گال وعيونج عندي ما تتأذين من الابره وانه وياج كتله لاا خالي ماريد ممنونه منك عگد كصته وگال انـه وياج بابـه ✨صح وياا احس بالامان بس مدري خايفه وبنفس الوقت تعبت منها كتله تمام افكرر واكلك بهل اثناء اندگ الباب وطب السكرتير وگال دكتور اجت دكتوره ايه گله خليها تتفضل وگام وهو يعدل الستره مالتـه بثگل طب وراساا ابتسم واتقرب بخطوات تجاهه مد ايده يصافحهه وهيه كذالك اتصافحو وگلها الف هلا دكتوره اتفضلي ! باوعتلي وابتسمت وكالت هلاو عيوني كتلهه هلااا واباوعلهم بطرف عيني ( لابسه فستان 90 طولـه وحزام من الخصر ولابسه شال بالجذب شامرته وشعرها كوله طالع بس حجايه لـ الله حلوه 🙄 ) فـ كعدت وهوو كعد مقابيلهه واني من الجهه الثانيه كلتله دكتور تعرف بيه ما اثق الا بشغلك واريد اجيب بنت اختي الك وما اوصيك بعد عليهاا ابتسم بهدوء وگلها كلامج شهاده بالنسبه الي والف هلا بيج وابنت اختج تنورنـه ابتسمت وباوعتلي وكالت ويلوموني ليش اجي دائما لملهـم راساا باوعتله بطرف عيني فوكاها ملهم موو دكتور ملهـم والله يالله ليكول ثارده ويااا ؟ فـ شويه حجت وراحتت وهوو گام وياهااا اول ما طلعت كتله ييي طشرت الهلا كله وانطيته للدكتوره " الف هلا " لو كايل اهلا وسهلا مووو احسن ؟ شنوو الف سالمين ؟ رفع تك حاجب وگال ع سبيل المثال بابـه كتله لتكوول بااااابه خوووش ؟ كال بهدوء لااا كتله شوف لاا تخليني اگوم اجررها من شعرهاا الطالع وامسح بيها العياده لاا تستفزنيي ما احس الا ضحك بصوت واتقرب بخطوات تجاهي ثنـه رجله وكعدد گبالي لزم ايدي وگال " انـه احبججج بابـه يا ايه يااا بنت اختهااا " باوعتله صفح وكتله ييي عباليييي ضحك بخفه وكعد بصفي لااا اراديااا ميلت راسي ع جتفه وكتله " مذممم تخلي حد بينك وبين اي مراجعه " قبل لا ارفع عيوني گال صـار ..... شمـس : تعبت من الخطار وخالاته وجماعته وكل شوي احد جاي وتعالي يشمس بدلي وانزلي واني عندي امتحانات وهمات رجعت اداوم وعلي خلالي خط فـ ارجع العصر وهم يلا اشوف علي وابدي اقره ومرات اضرب الدوام اذا معندي شي فـ اليوم خطوبه احمد واحمد كاعد من لبارحه بالصالـه يكول افااا شلون تغمضلي عين 😂 واني وعمه شبعانين ضحك عليه فـ جريته وكتله موو تضل تتصفن احجي كلمه كلمتين الابنيه تحبك كال مو تدللين اليوم اسمعها طن كلام بس خل يصبح الصبح 😂 فـ لبست فستان مخصر ع الجسـم وبنفس الوكت مستور لان احمد وكذا شخص يطب فـ شيخلصني من علي اما شعري عادي شسورته وعفته مفتوح وكالعاده مكياج وعطر وسحبت عيوني هستوني داطلع ما احس الا ادين حاوطت خصري ودارني عليه ابتسمت من عطره دخل ريتي عرفته عليي وقشعرر جسمي من اخذ نفس طويل من رگبتي ولحيته الخشنه طخت بشرتي رفع راسه وگاال " مريتي كاشخه " كتله يي حبيبي شلون لعد غيرر خطوبه حمااي ابتسم وگاال " صفنت ع الفستان مستور ومابي شي وكلت الفستان مستور وطالعه هجي تضويـن عاد عرفت مريتي گمر " ✨ خجلت ع كلامنه باس ايدي وگال جاا انه نازل يم الشباب كتلـه محروس حبيبي هستوه ديروح شفت ياخه قميصه مو عدلـه كتله اصبررر حبي اصبررر اتقربت يمه ورفعت روحي ع اطراف اصابعي وعدلت الياخه مالته وسترته وكتله ييي هسه تجننن ✨ ميل راسه وهو صافن ع شعري ورگبتي وگال " نعوف الخطوبه ونعرس احنه " ✨ دفعته بخفه وكتله لاااا اصلا نازله قبلك خليت وفلتتت قبله واسمع صوت ضحكته الرجوليه وراي فـ طلعنه 11 سياره والهورنات ونصها جماعه علي لـو احمد وولد عمنه وهوسه صارت .....

آلِــ عِــنِـــود 🎀

Open In TikTok:

Region: IQ

Wednesday 07 October 2026 12:24:17 GMT