@musabko4: إنتِ الأماني الما بتموت، الحاجة الوحيدة البتفضل جوّا القلب حتى بعد ما تتغيّر ملامح الأيام، والدعوة البتطلع من بين ضلوعي من غير ما ألقى ليها نهاية. إنتِ الخِلود الفي الجنان، والمكان البتلقى فيهو روحي نفسها بعد طول غُربة، إنتِ ما بس زولة بحبها… إنتِ الحتة الفي قلبي البخاف عليها من الزمن، والنعمة البقول عليها: يا رب ما تحرمني منها. إنتِ العشان خاطرك بعيش، بصبر على البُعد، وببلع مرارة الأيام، وبمشي في دروب ما كان عندي ليها خاطر، لأنو مجرد فكرة إنو في آخر الطريق ممكن ألقاك، بتخلّي التعب كلّو يهون. ولو يوم خيّروني بين راحتي وبين إنو أكون سبب في راحتك، يمكن قلبي يختارك من غير ما يستشيرني… لأنو إنتِ بقيتي جزء من الدعوة، والجزء البخلي العمر عندي عندو معنى. إنتِ ما حب ساكن في قلبي وبس… إنتِ السبب الخلّى قلبي، رغم كل الحاصل، لسه عندو أمل في بكرة. 💜🌸

2229

2026-10-07 18:54:48

2026-10-08 13:18:36

To see more videos from user @musabko4, please go to the Tikwm homepage.