@afsoomaliga0: Xasan Abshir Faarax wuxuu ahaa siyaasi iyo sarkaal milatari oo muddo dheer ka soo shaqeeyay dowladdii Soomaaliya. Wuxuu 1945 ku dhashay magaalada Garoowe wuxuuna wax ku bartay Muqdisho, Akadeemiyadda Militariga Masar iyo Jaamacadda Ummadda Soomaaliyeed, halkaas oo uu ku bartay sharciga. Wuxuu labo jeer soo noqday duqa Muqdisho 1973–1976 iyo 1982–1987. Intii uu ku jiray dowladdii militariga, wuxuu sidoo kale noqday guddoomiyaha gobollada Shabeellaha Dhexe iyo Bakool, wuxuuna ahaa safiirka Soomaaliya ee Japan iyo Jarmalka. Dabayaaqadii 1990-meeyadii iyo horraantii 2000 wuxuu noqday Wasiirka Arrimaha Gudaha ee Puntland. 12-kii November 2001 ayuu noqday Ra’iisul Wasaaraha Dowladdii ku meelgaarka ahayd ee uu madaxweynaha ka aha Cabdiqaasim Salaad Xasan, xilkaasna wuxuu hayay ilaa 2003. 2004 wuxuu noqday Wasiirka Kalluumeysiga, isagoo qayb ka qaatay dadaallada dib-u-heshiisiinta Soomaaliya. Kadib dhismihihii Dowladda Federaalka Soomaaliya 2012, wuxuu noqday xildhibaan ka tirsan Baarlamaanka Federaalka, xilkaasna wuxuu hayay ilaa geeridiisa. Allah ha u naxariistee, Xasan Abshir Faarax wuxuu July 2020 ku geeriyooday magaalada Ankara ee dalka Turkiga. ISHA : Axmed Mursal

Cumar Aduunyo

Open In TikTok:

Region: SO

Wednesday 07 October 2026 19:39:58 GMT