@za33g: وهوسه صارت ... نزلنه اباب بيتهم وهستوني داطب ما احس الااحمد لزم ايدي وگال افااا انه هلهلت بخطوبتج وهسه ماتهلهلين بخطوبتي وطابه سكتاوي ؟ كتله موو تدلل شلت عبايتي بهمه وطكيتها بهلهوله خليتها كلها تباوع وتندار عليه وعلي اندار وعيونه صارت بكصته ضحك احمد وكال اندار ع بنت عمي ومرت اخووي كتله كم حمودي عندي متگلي ابتسم وگال هالله هالله بمريتي وارفعي راسي جوه مو تبقين كاعده وتصفگين كتله لا يحضي اكعد شنوو غير خطوبه ابن عمي وبعدين خابرت ميوسه كتلهه احمد عازمج يكول خل توگفلي ضحك وگال جا وينهااا مو راح نطب يالكاظمم ؟ وطلع ملهـم بالباب گال اتفضلو هستونه نريد نطب وفززنه صوت هلاهل وراي اندارينه اثنينه بصدمه وواندار علي وملهـم والكل يباوع ونشوفلك ميوسه اجت تهلهل وهزت الشارع هـز ( لابسه فستان 90 طولـه وكعب بس مستور وجايه بي بدون عبايه ولازمه الجنطه بيدهاا بنزاكه اني ضليت صافنه بيهاا شحال ملهـم 😂وكلما تمشي يرن الحجل اتقربت بضحكه وكالت الف الف مبروك حموديي تتهنئ واحمد ضحكته شاكه حلقـه گال الها خاب يبعد راسييي يلا ميوس وشموس ارفعن راسي ضحكنه ونريد نطب وعيون ملهـم وعلي تخوزر بينـه غلسنه وطبينه قابل شنسويلهم وزحمه نعوف احمد طبينه نهلهل والكل يباوع علينـه فـ سلمنه ع الكل ورحنه لورده نبارك الها ونسلم عليها ( طالعه نازززكه وكيوت عبالك طفله لابسه فستان ابيض شفاف الردن مالتـه وكلوشـه وطويل وهمات شويه دلعه وشعرهاا فاتحته ومكياجهه احمر تجنن طالعه ) فـ غطو شعرهاا ووكفت ورا الباب وبدوه يعقدون واول ما كالت نعم وانت وكيلي وكال السيد اعلنكما زوجا وزوجه طكيتها بهلهولـه اني وميوسه وامها وام علي كلها كامت تهلهل فـ رجعت كعدت يم الكوشـه وميوسه استلمت الديجي وكامت تشغل اغاني وتگابلنه اني وياها وسرو نركص واجت عمه ام علي لزمت سرو وكعدتها 😂 وتگابلنه اني وميس وكمنه نهزز جتف لحد ما نزلنـه للكاع والنسوان كلها تباوع وتصفگ وصار الجوو حماس والكل متفاعل ويانه واحنه ولا يمنه خليت وجريت الشال وشديته ع خصري وكمت اتمايل وميوسه تكيت بأيدهاا واني اركص😂 اخرر شي كمنه نهزز شعرر سوه لحد ما اجت مره ولزمت ايد ميوسه وكالت يمه اللهم صلي ع محمد عليجن شهل جمال شهل ركص يبعد امجـن يخاله انتن مخطوبات لوو لااا ! بعدها المره دتحجي اجت ام ملهـم وكالت ييي گلبي هاي ام شعر الكصير مخطوبه لأبني يعني جنتيي وهاي ام شعر الطويل متزوجه المره ابتسمت وجنها ضاجت وكالت يمه تتهنن عبالي اخطب وحده لوليدي كلهاا بجهه واني صافنه بأم ملهم وكلامهاا وميوسه خجلانه وواكفه متت ضحك ع شكلهه اول ما راحت ام ملهـم طكتها بضحكه وكالت ديلا استلمي راح يكطعون رزقي الله يكطع رزقك يملهـم 😂 كتلهه يي عيني ملهـم موصي امه مبين مايكعد راحه هزت ايدهاا وكالت خرب حضي وصاها من جنت بعرسج مو انوب هسـه وميوسه ولا مهتمه تركص واني ماجذبت خبرر گابلتهه ورجعنه نركص لحد ما كالوو العريس راح يطب يلبسون الحلقات فـ وكفنه 😂 وطب احمد وجههه عرگان ويمسح بكصته وبصفـه ملهـم وابو ملهـم راساا لبست شال اما ميوسه ولا يمهاا راحت يم احمد وكلتله طب طب يبعد اختك طبب صارت حلالك وملهـم يباوعلهاا وصافن بيهاا وهيه ولا منتبهه فـ كعد احمد ويمسح بكصته رحت اخذت الحلقات ووديتهن الهـم والهلاهل والجكليت فـ اخذ الحلقه وهوو متوترر ولزم ايدهاا ومدري شگال الهاا وهيه دنگت لبسها الحلقه وميوسه فززتني بهلهولتها فـ انطيت الحلقه لورده ولزمت ايده وايدها ترجف وهوو لزم ايدهااا وگال الهاا " اهددي يبعد احمد وحلالـه لاا احرگهم " ✨ وهيه صارت حمرره لبسته الحلقه وطكيتها بهلهولـه والكل گام يهلهل فـ شغلوو الاغاني وكتلـه مبارك والف مبارك يالتستااهل ماي العيـن مبارك والف مبارك وميوسه كامت تهوس وياي وتكول يالتستاهل ماي العين ......

آلِــ عِــنِـــود 🎀

Open In TikTok:

Region: IQ

Wednesday 07 October 2026 19:52:43 GMT