@eriote4: ታሪኻዊ መበቆል፦ ኣቡነ ያዕቆብ ዘእልበረዳዒ (ዘኣልበርድ) ኣብ መበል 6ይ ክፍለ ዘመን፡ ኣብ ዘመነ ፈተናን ስደትን፡ ቅዱስ ያዕቆብ ዘእልበረዳዒ ንእምነት ተዋህዶ ንምዕቃብ ብስቱር ካብ ሃገር ናብ ሃገር እናተዘዋወረ ንብዙሓት የጠምቕን ይምህርን ነበረ። እቲ ምኽንያት፦ በቲ እዋን’ቲ ኣዝዮም ብዙሓት ህዝቢ ይጥመቑ ስለ ዝነበሩ፡ እቶም ዝተጠምቁ ክርስትያን ካብቶም ዘይተጠምቁ ንኽፍለዩን፡ ምትሕውዋስ ንኸይፍጠርን፡ ቅዱስ ያዕቆብ ኣብ ክሳድ እቶም ዝተጠምቁ ፈትሊ (ማዕተብ) የኣስረሎም ነበረ። በዚ መገዲ እዚ፡ ማዕተብ ናይቶም ብጥምቀት ናይ እግዚኣብሔር ውሉድ ዝኾኑ ምእመናን ፍሉይ ናይ ድሕነትን ናይ እምነትን ምልክት (መላለዪ) ኮይኑ ጀመረ። እዚ ስርዓት’ዚ ካብ ሶርያ ናብ ግብጺ፡ ካብ ግብጺ ድማ ብዘመነ ኣቡነ ሰላማ ከሳቴ ብርሃንን ብዘመነ ትሽዓተ ቅዱሳንን (ብፍላይ ከኣ ትሽዓተ ቅዱሳን መበቆሎም ካብ ሶርያን ሮምን ስለ ዝነበረ) ናብ ሃገርና ኤርትራን ኢትዮጵያን ኣትዩ ክሳዕ ሎሚ ጸኒዑ ይርከብ። 2. ስለምንታይ ኣብ "ክሳድ" ይእሰር? (መጽሓፍ ቅዱሳዊ ትርጉሙ) መጽሓፍ ቅዱሳዊ ትእዛዝ፦ «ምሕረትን ሓቅን ካባኻ ኣይተርሓቃ፡ ኣብ ክሳድካ እሰረን፡ ኣብ ሰሌዳ ልብኻ ጽሓፈን።» (ምሳሌ 3፡3) «ኵሉ ሳዕ ኣብ ልብኻ ሕተሞ፡ ኣብ ክሳድካ እውን እሰሮ።» (ምሳሌ 6፡21) ኣርዑት (ቀንበር) ክርስቶስ፦ ክሳድ ናይ ተገዛእነት ምልክት እዩ። ጐይታና «ኣርዑተይ ኣብ ልዕሌኹም ጹሩ… ኣርዑተይ ፈኵሽ እዩ» (ማቴዎስ 11፡29–30) ከም ዝበለ፡ ኣብ ክሳድና ማዕተብ ምእሳርና ንክርስቶስ ከም እተገዛእናን ኣርዑቱ ከም እተሰከምናን ዘርኢ ምልክት እዩ። ናብ ልቢ ቀረባ ምዃኑ፦ ኣብ ክሳድ ዝተኣስረ ነገር ኣብ ኣፍልብና (ኣብ ልዕሊ ልብና) ስለ ዝዓርፍ፡ እምነትና ወትሩ ኣብ ውሽጢ ልብና ክትነብር ከም ዘለዋ ዘዘኻኽር እዩ። 3. ምስጢር ቀለማት ማዕተብ እቲ ማዕተብ ዝግመደሉ ሰለስተ ፈትሊ ዓሚቝ መንፈሳዊ ትርጉም ኣለዎ። ሰለስተ ፈትሊ ብሓደ ምግማዱ፦ ቅድስት ሥላሴ ብስም፡ ብኣካል፡ ብግብሪ ሰለስተ፤ ብመለኮትን ብባህርይን ድማ ሓደ ኣምላኽ ምዃኖም የረድእ። ትርጉም ቀለማት፦ ቀይሕ፦ ክርስቶስ ስለ ፍቕርና ዘፍሰሶ ቅዱስ ደም[5] (ከምኡ’ውን ናይ ሰማእታት ደም)። ጸሊም (ወይ ሰማያዊ)፦ ክርስቶስ ምእንታና ዝተቐበሎ መከራን ሓዘንን (ስለ ሃይማኖት ዝጽወር መስቀል)። ጻዕዳ (ወይ ብጫ)፦ ናይ መንፈስ ቅዱስ ቅድስና፡ ተስፋ ትንሳኤን ጽድቅን የዘኻኽር። #eritreantiktok🇪🇷🇪🇷habesha #habeshatiktok #tigraytiktok🇻🇳🇻🇳tigraytiktok #habesha #ethiopian_tik_tok

ቤተኤል

Open In TikTok:

Region: NO

Wednesday 07 October 2026 20:04:35 GMT