@wwhashmi0: يا رب… علّمني كيف أتجاوز شخص كنت أظنه نصيبي. — سطر يماني | satar_yamani#سطر_يماني #تجاوز #MovingOn #Heartbroken تدري وش أقسى شيء؟ إنك تدعي لشخص في صلاتك سنين… وبالأخير، تصير تدعي ربي ينزعه من قلبك. كنت أكبر أمنياتي… وكنت أدعيلك في صلاتي، مو مجرد كلام… كنت فعلًا أتمنى إنك تكون الشخص اللي أكمل معه. وعشان كذا، يمكن عتابي اليوم مو لأنك تغيّرت… الناس تتغير، والمشاعر تتغير، وهذا شيء أتفهمه. عتابي لأنك خليتني أكتشف هذا التغيّر لحالي. صرت أحس إن كلامي ما عاد يعني لك، وإن وجودي صار شيء عادي بعد ما كان له قيمة. وكل مرة كنت أحس بالمسافة بيننا، كنت أقول: يمكن تعبان، يمكن مشغول، يمكن أنا فاهم غلط… لين وصلت لمرحلة ما عاد أقدر أكذب على نفسي. أنا ما كنت أبي منك تبقى غصب، ولا كنت أبيك تحبني بنفس الطريقة للأبد… كنت أبي منك الصراحة. إذا تغيّر قلبك، كان يكفيني تقول. لكن إنك تخليني أتمسك بشيء أنت من داخلك تركته… هذا الشيء هو اللي وجعني. لأني ما خسرت شخصًا فقط… أنا خسرت الصورة اللي رسمتها لمستقبل كنت أشوفك فيه. وأصعب شيء؟ إني كنت أدعي لك وأنا ما كنت أعرف إنك في يوم من الأيام بتكون سبب دعائي: يا رب… علّمني كيف أتجاوز شخص كنت أظنه نصيبي.
