کله چې په باچا خان د کفر فتویٰ ملایانو ولګوله، نو په هغه زمانه کې یو مردِ قلندر و چې د هغه دفاع یې وکړه او هغه مردِ قلندر علامه محمد طاهر پنج پیري رحمه الله و. پاکستان چې جوړ شو او کومو خلکو چې په ازادۍ کې کوشش او محنت کړی و، نو انګرېزانو د هغه خلکو د بدنامولو او تهمت لګولو مھم شروع کړ. په صوابۍ کې د محمد جان تحصیلدار په زیرِ نګرانۍ کې پولیس ولاړ وو او یو یو سړی به یې راوستلو چې فلانی لیډر کافر دی، ته داسې ووایه؛ او قرآن به پروت و او له پولیسو سره به ډنډې په لاس کې وې. ټول خلک به ورتلل او دغه به یې ورته ویل. زه یې محمد جان تحصیلدار ته پیش کړم، ماته یې وویل: باچا خان کافر دی، ووایه! ما ورته وویل: څه دې وویل؟ ما ویل: زه ورته کافر نه وایم، مسلمان دی. ویل یې: نه، وایه ورته کافر! ما ویل: نه وایم ورته کافر. ویل یې: ته څه وایې؟ ما ویل: زه دا وایم چې څوک مسلمان ته کافر وایي، هغه داسې کادفر دی لکه ته! د صوابۍ ټول خلک ولاړ وو، هغه ټولو ورته توبه ایستلې وه. محمد جان تحصیلدار پولیسو ته وویل: وهه یې! چې زه اووهلم، ما ورته وویل: په وهلو ته زما عقیده بدلولای شې سړیه؟! ما مخکې ته کافر بللی وې، اوس هم درته کافر وایم او بیا هم درته کافر وایم! ټول خلک ولاړ وو، زه یې په وهلو زخمي کړم او بیا یې د اوبو تالاب ته وغورځولم. بیا یې د اوبو نه راویستلم او بیا یې راته وویل: ته د هغه په باره کې څه وایې؟ ما ویل:چې مخکې مې کومه فتویٰ کړې، بیا هم درته هغه وایم. ته زما عقیده بدلولای شې؟ د دې ملک خو دا ایمان دی. لږ دباو یې په خلکو وکړ او خلکو فتوې ورکړې، حال دا چې ما ویل: زه په سیاسي پارټۍ کې نه یم، خو زه ورته کافر نه وایم، ایماندار دی. نور راباندې ډېر واقعات تېر شوي، د هغې ذکر زه نه کوم. لیکوال:حماد صدیقی #foryoupage❤️❤️ #viralvideo #viraltiktok #IslamicWorld #viral - @muwahhid731