@khinthawdarmyo21: 🇸🇬 စင်္ကာပူကိုနှုတ်ဆက်တော့မယ်ဆိုရင် အလုပ်အဆင်ပြေတာ မပြေသာ လစာနည်းတာ များတာအသာထား… လွမ်းမိမှာက ဒီအရာတွေပါ။ နိုင်ငံတစ်နိုင်ငံမှာ နှစ်တွေကြာကြာနေပြီး ငါဒီနိုင်ငံက အပြီးထွက်ခွါတော့မယ်ဆိုရင် လစာ၊ အလုပ်အကိုင်၊ အနာဂတ်အခွင့်အရေးတွေကိုပဲ စဉ်းစားကျသလို ကိုယ်နေသားကျခဲ့တဲ့ နေ့စဉ်ဘဝလေးတွေ ကိုလည်း ပြန်စဉ်းစားမိတာအမှန်ပါ။ စင်္ကာပူမှာ နေခဲ့ရတဲ့နှစ်တွေပြီး တစ်နေ့နေ့မှာ တကယ်ပြောင်းသွားရရင် အများဆုံးလွမ်းမိမယ့်အရာတွေထဲမှာ— 🚦 စည်းကမ်းရှိတဲ့ နေ့စဉ်ဘဝ လမ်းဖြတ်ကူးတဲ့အခါ၊ ကားမောင်းတဲ့အခါ၊ အများပြည်သူသုံးနေရာတွေမှာ “စည်းကမ်း” ဆိုတာ လူတိုင်းရဲ့နေ့စဉ်ဘဝထဲမှာ သဘာဝအတိုင်း ပါဝင်နေပါတယ်။ စည်းမရှိကမ်းမရှိတဲ့ နိုင်ငံကလာတဲ့သူကို ဒါစည်းကမ်းဆိုတာ နားထဲထည့်ပေးလိုက်သလိုပေါ့။ 🧹 သန့်ရှင်းတဲ့ လမ်းတွေ လမ်းဘေးမှာ အမှိုက်ပစ်တာ၊ တံတွေးထွေးတာတွေကို တင်းတင်းကျပ်ကျပ် ထိန်းချုပ်ထားတာကြောင့် မနက်စောစော လမ်းလျှောက်တာပဲဖြစ်ဖြစ်၊ ဘယ်နေရာလေးပဲ သွားသွား လက်ထဲက အမှိုက်ကလေး အိမ်ပြန်သယ်ရတဲ့အထိတောင်ဖြစ်ခဲ့ရပါတယ်။ ကိုယ့်အမိနိုင်ငံပြန်ရောက်နေတဲ့ အချိန်မှာတောင် မြို့တစ်မြို့ရဲ့ သန့်ရှင်းမှုဆိုတာ ဒါပါလားလို့ ခံစားရပါတယ်။ 🚇 MRT စီးရတဲ့ ခံစားချက် အချိန်မှန်၊ သန့်ရှင်းပြီး စနစ်တကျရှိတဲ့ MRT နဲ့ ဘတ်စ်ကားတွေ။ မိုးရွာတဲ့နေ့ဖြစ်ဖြစ်၊ နေပူတဲ့နေ့ဖြစ်ဖြစ် အလုပ်သွား၊ အလုပ်ပြန်ရင်း ကိုယ့်အတွေးတွေနဲ့ ကိုယ် သွားလာခဲ့ရတဲ့ ခရီးတွေက တစ်နေ့နေ့မှာတော့ အမှတ်တရတွေ ဖြစ်လာနိုင်ပါတယ်။ ရထားစီးစီး၊ လိုင်းကားစီးစီး အချိန်တိတိကျကျလာတတ်တဲ့ စင်္ကာပူရဲ့ ရိုးရှင်းတဲ့စနစ်တစ်ခုလိုဖြစ်နေတာက မထူးဆန်းပေမယ့် လွမ်းစရာ။ 😔 🔐 လုံခြုံမှု ညဘက် အလုပ်ကနေ ပြန်လာတဲ့အခါ၊ မိသားစုနဲ့ အပြင်ထွက်တဲ့အခါ “လုံခြုံတယ်” ဆိုတဲ့ စိတ်ခံစားချက်က အရမ်းတန်ဖိုးရှိပါတယ်။ ညဖက် သန်းခေါင် တစ်ယောက်ထဲ ပန်းခြံထဲ ထိုင်နေလည်း လာနှောင့်ယှက်ရဲတဲ့သူမရှိသလို စူးစမ်းကြည့်တဲ့သူလည်းမရှိပါ။ 👮 ဥပဒေကို လေးစားရတဲ့ ယဉ်ကျေးမှု “မလုပ်ရဘူး” ဆိုတဲ့ စည်းကမ်းတွေ အများကြီးရှိပေမယ့် အဲဒီစည်းကမ်းတွေကြောင့် လူတိုင်းအတွက် ပိုပြီး စနစ်တကျနဲ့ နေထိုင်လို့ရတာကိုလည်း နေ့စဉ်ဘဝမှာ တွေ့ရပါတယ်။ တစ်ခါတလေ စည်းကမ်းတွေများလို့ အနည်းငယ်တင်းကျပ်တယ်လို့ ခံစားရပေမယ့် နှစ်တွေကြာလာတဲ့အခါ အဲဒီစည်းကမ်းတွေကိုပဲ လွမ်းမိနိုင်ပါတယ်။ 🌳 သန့်ရှင်းတဲ့ ပန်းခြံတွေ၊ လမ်းလျှောက်လမ်းတွေ မြို့ကြီးတစ်မြို့ဖြစ်ပေမယ့် သစ်ပင်တွေ၊ ပန်းခြံတွေ၊ ကလေးကစားကွင်းနဲ့ လမ်းလျှောက်စရာနေရာတွေ ရှိနေတာကလည်း စင်္ကာပူရဲ့ ထူးခြားတဲ့အရာတစ်ခုပါ။ ဒီလို ရိုးရိုးရှင်းရှင်း နေ့စဉ်ဘဝလေးတွေက တကယ်တော့ နိုင်ငံတစ်နိုင်ငံကို ချစ်မိစေတဲ့ အကြောင်းရင်းတွေ ဖြစ်လာတတ်ပါတယ်။ စင်္ကာပူက ပြီးပြည့်စုံတဲ့နိုင်ငံတစ်နိုင်ငံတော့ မဟုတ်ပါဘူး။ နေထိုင်စရိတ်မြင့်တာ၊ အလုပ်ဖိအားများတာ၊ ပြိုင်ဆိုင်မှုများတာတွေ ရှိပါတယ်။ ဒါပေမယ့်… ❤️နှစ်တွေကြာလာတဲ့အခါ ကိုယ်မကြိုက်ခဲ့တဲ့အရာတချို့တောင် ကိုယ်မရှိတော့တဲ့အခါ လွမ်းစရာဖြစ်လာတတ်ပါတယ်။ ကိုယ့်အမိနိုင်ငံကနေ ပဲဖြစ်ဖြစ် ဘယ်နိုင်ငံပဲသွားလည်ပြီးပြန်ဝင်လာတာပဲဖြစ်ဖြစ် အစိမ်း၊အပြာ၊ အဝါကဒ်လေးကိုင်ထားတတ်ကျတဲ့ မြန်မာနိုင်ငံသားများအားလုံးအတွက် Welcome to Singapore ဆိုတာလေးမြင်လိုက်ရရင်ပဲ စိတ်ကချမ်းသာနေတဲ့ ခံစားမှု ငါတို့လုံခြုံပြီဆိုတဲ့နွေးထွေးမှုက စလုံးမှာ နေနေကျတဲ့သူတွေအသိဆုံးပါ။😔 🇸🇬 စလုံးမှာ နေဖူးတဲ့သူအတွက် တကမ္ဘာလုံးက မဆန်းတော့ပါ လူမျိုးစုံနဲ့လည်း ပြောဆို တွေ့ဆုံဖူးတယ်၊ နေထိုင်မှု အဆင့်အတန်းကလည်း မြင့်တယ် အရာရာကို ဥပဒေနဲ့ ထိန်းချုပ်တယ်၊ သွားရေးလာရေး ကိုယ့်အားကိုယ်ကိုးတတ်တဲ့ စလုံးနေသူတို့ရဲ့ တခြားဘယ်နိုင်ငံသွားသွား အရာအားလုံးဟာ အေးဆေးပါပဲ။ လှပါပေ့ဆိုတဲ့အရာတွေ၊ အဆင့်မြင့်ပါတယ်ဆိုတဲ့နေရာတွေ မြင်နေကျ တွေ့နေကျဆိုတော့ ကမ္ဘာကြီးရဲ့ ဘယ်အခြမ်းရောက်ရောက် စလုံးက လေ့ကျင့်ပေးထားသလို ဘာမှ မထူးဆန်းတော့တာ အမှန်ပါပဲ။ ဒါကြောင့်တစ်နေ့နေ့မှာ စင်္ကာပူကနေ ထွက်ခွာသွားရရင်— 🇸🇬 “ဒီနိုင်ငံမှာ နှစ်တွေကြာအောင် နေခဲ့ဖူးတယ်” ဆိုတာထက် “ဒီနိုင်ငံက ဘဝရဲ့ အစိတ်အပိုင်းတစ်ခု ဖြစ်ခဲ့တယ်” လို့ပဲ ပြန်ပြောမိမယ်ထင်ပါတယ်။ ❤️ Crd #singapore #departureday #goodbyes #foryou #Singapore

R CHUU🫧🧿

Open In TikTok:

Region: SG

Thursday 08 October 2026 02:53:29 GMT