@amanatali8527: رحیم یار خان: واہی جمن شاہ کے قریب کار نہر میں جا گرنے کے افسوسناک حادثے کی اطلاع پر صبح تقریباً 9:25 بجے ریسکیو 1122 کی ٹیم فوری طور پر موقع پر پہنچ گئی، جہاں نہر کے گہرے اور گندلے پانی میں گاڑی اور اس میں موجود افراد کی تلاش جاری تھی۔ انسانی جانوں کو بچانے کے عظیم جذبے سے سرشار ریسکیو 1122 رحیم یار خان کے بہادر فائر ڈائیور ریسکیور عرفان ساجد نے سکوبا ڈائیونگ کا سامان پہن کر بے خوفی سے نہر کے پانی میں اتر کر ڈوبنے والوں کی تلاش شروع کی۔ پانی انتہائی گدلا ہونے کے باعث جب کچھ دکھائی نہ دیا تو عرفان ساجد نے انڈر واٹر سرچ کا فیصلہ کیا، تاہم اسی دوران وہ کسی نادیدہ شے میں پھنس گئے اور دوسروں کی زندگی بچانے کی کوشش میں اپنی قیمتی جان کا نذرانہ پیش کر دیا۔ سکوبا کے اوپر آنے پر ساتھی ریسکیورز نے فوراً اپنے بہادر ساتھی کی تلاش شروع کی اور طویل جدوجہد کے بعد شہید ریسکیور کی میت برآمد کرکے شیخ زاید ہسپتال منتقل کر دی۔ عرفان ساجد کی یہ عظیم قربانی ریسکیو 1122 کے اس عزم کی روشن مثال ہے کہ دوسروں کی زندگی بچانے کے لیے اس کے جوان اپنی جان کی پروا کیے بغیر آخری حد تک فرائض انجام دیتے ہیں۔