@saqi.wrai8s: میری قدر کا اندازہ تمہیں تب ہوگا جب تم مخلص ڈھونڈنے نکلو گے اور تمہیں ہر چہرے کے پیچھے ایک نیا اداکار ملے گا۔ تب تمہیں یاد آئے گا وہ شخص جو تمہاری خاموشی بھی پڑھ لیتا تھا، جو تمہارے لفظوں سے زیادہ تمہاری آنکھوں پر یقین کرتا تھا۔ تمہیں یاد آئے گا وہ ہاتھ جو مطلب کے بغیر تھاما تھا، وہ ساتھ جو موسموں کا محتاج نہ تھا، وہ شخص جو تمہارے برے وقت میں بھی تمہیں بوجھ نہیں سمجھتا تھا۔ تم جب دنیا کے ہجوم میں اپنا کوئی تلاش کرو گے، تو بہت سے لوگ مسکراتے ملیں گے، مگر ہر مسکراہٹ کے پیچھے محبت نہیں ہوگی۔ کچھ لوگ قریب آ کر صرف فائدہ اٹھائیں گے، کچھ تمہاری کمزوریوں کو اپنی طاقت بنائیں گے، اور کچھ تمہیں اپنا کہہ کر وقت آنے پر اجنبی بن جائیں گے۔ تب شاید تمہیں سمجھ آئے کہ مخلص انسان کا ملنا اتنا آسان نہیں ہوتا، جو ہر حال میں ساتھ دے وہ ہر کسی کے نصیب میں نہیں ہوتا۔ میں نے تمہیں اپنا سمجھ کر تمہارے بدلتے رویوں کو سہہ لیا، تمہاری بےرخی کو بھی محبت کا نام دے دیا، مگر یاد رکھنا، ہر دل بار بار نہیں ٹوٹتا۔ ایک دن میں بھی خاموشی سے تمہاری دنیا سے نکل جاؤں گا، نہ کوئی شکایت ہوگی، نہ کوئی سوال، بس تمہیں میری کمی محسوس ہوگی۔ اور جب تم مخلصی کی تلاش میں دُنیا بھر کے دروازے کھٹکھٹاؤ گے، تب شاید کسی کونے میں بیٹھ کر میری سادگی، میری وفا، اور میری بےغرض محبت کو یاد کرو گے۔ تب تمہیں معلوم ہوگا، قدر اُس وقت نہیں ہوتی جب کوئی پاس ہو، قدر تب سمجھ آتی ہے جب بہت تلاش کے بعد بھی وہ شخص دوبارہ نہ ملے

Saqi Wrai8s

Open In TikTok:

Region: PK

Friday 09 October 2026 02:36:00 GMT