انسان کو صبر کی عادت لگ جائے تو زندگی بہت کچھ سکھا دیتی ہے۔ پھر وہ ہر اس چیز کے پیچھے بھاگنا چھوڑ دیتا ہے جسے کبھی حاصل کرنا اپنی زندگی کا سب سے بڑا مقصد سمجھتا تھا۔ وقت انسان کو یہ سمجھا دیتا ہے کہ ہر خواہش پوری ہونا ضروری نہیں، ہر تعلق ہمیشہ قائم رہنا ضروری نہیں، اور ہر وہ شخص جسے ہم جان سے زیادہ چاہتے ہیں، ضروری نہیں کہ وہ ہمیشہ ہمارے ساتھ رہے۔ کبھی کبھی انسان کسی کو کھونے کے بعد ٹوٹتا نہیں، بلکہ بدل جاتا ہے۔ پہلے جس کی ایک بات دل کو خوش کر دیتی تھی، بعد میں اسی کی خاموشی بھی برداشت ہونے لگتی ہے۔ پہلے جس کے بغیر ایک لمحہ گزارنا مشکل لگتا تھا، پھر اس کے بغیر پوری زندگی گزارنے کا حوصلہ پیدا ہو جاتا ہے۔ یہی صبر کی طاقت ہے کہ یہ انسان کو درد کے ساتھ جینا سکھا دیتا ہے۔ صبر کرتے کرتے دل کو بھی عادت ہو جاتی ہے کہ ہر چیز مانگنی نہیں، ہر رشتہ بچانا نہیں، ہر شخص کو روکنا نہیں۔ بعض لوگوں کو جانے دینا پڑتا ہے، بعض خوابوں کو دفن کرنا پڑتا ہے اور بعض خواہشوں سے خاموشی سے دستبردار ہونا پڑتا ہے۔ کیونکہ کبھی کبھی انسان کی سب سے بڑی کامیابی کسی چیز کو حاصل کرنا نہیں بلکہ اسے کھونے کے بعد بھی خود کو سنبھال لینا ہوتی ہے۔ جو چیز کبھی جان سے زیادہ پیاری ہوتی ہے، وقت گزرنے کے ساتھ وہی دل سے اتر جاتی ہے۔ نہ نفرت رہتی ہے، نہ شکایت، نہ انتظار… بس ایک خاموش سا احساس رہ جاتا ہے کہ کبھی یہ شخص، یہ رشتہ یا یہ خواہش ہماری دنیا ہوا کرتی تھی۔ اللہ انسان کے دل کو بہت خوبصورت طریقے سے بدلتا ہے۔ کبھی دعا قبول کر کے اور کبھی کسی چیز سے دور کر کے۔ ہمیں اکثر لگتا ہے کہ کسی چیز کا چھن جانا ہماری بدقسمتی ہے، لیکن وقت گزرنے کے بعد احساس ہوتا ہے کہ شاید اسی میں ہماری بھلائی چھپی تھی۔ اس لیے اگر آج دل کسی چیز کے جانے سے اداس ہے تو خود کو وقت دیں، صبر کریں اور اللہ پر بھروسہ رکھیں۔ ہر درد ہمیشہ نہیں رہتا، ہر جدائی ہمیشہ نہیں چبھتی اور ہر کمی ہمیشہ محسوس نہیں ہوتی۔ ایک وقت آتا ہے جب انسان مسکرا کر کہتا ہے: "جو کبھی جان سے پیارا تھا، آج وہ صرف ایک یاد ہے۔" اور شاید یہی زندگی ہے… کچھ لوگوں کو دل میں رکھنے کے لیے نہیں، بلکہ کچھ سکھانے کے لیے بھیجا جاتا ہے۔ ❤️‍🩹 #ubaidtypist70 #foryoupage - @inzimamullhaq160