@ahmedwsara1: سيلا قعدت ٢١ يوم في الحضّانة… ٢١ يوم وأنا مستنياها ومستنية اليوم اللي أشيلها فيه وأحضنها وأبوسها وأشم ريحتها وأقول لها ماما هنا كنت كل يوم بعيش على أمل إن اليوم اللي بعده يكون أحسن وإنها ترجعلي هي واخواتها وأعيش معاهم كل اللحظات اللي أي أم بتعتبرها عادية… أول حضن أول ضحكة أول مرة تنام في حضني أول مرة ألبسها وأول مرة أقول لها يا بنتي وهي بين إيديا لكن اليوم اللي شفت فيه سيلا ولمستها لأول مره كانت سيلا ماتت💔 مش عارفة أوصف إحساس إن أول لمسة لبنتك تكون وهي ساكته إنك تكوني مستنية طفلتك ٢١ يوم ولما تيجي اللحظة اللي أخيرًا تلمسيها فيها تكون اول وآخر لمسة أنا ما لحقتش أعيش مع سيلا… بس سيلا عاشت معايا ٢١ يوم من الانتظار والخوف والدعاء والأمل وعاشت جوايا من قبل ما تتولد وهتفضل جوايا طول عمري يا سيلا وحشتيني رغم إني ما لحقتش أعرفك زي ما كنت أتمنى وحشني كل شيء ماحصلش بينا ربنا اختارك عنده قبل ما آخد حقي منك كأم بس أنا مؤمنة إن اللي عند ربنا أغلى وأأمن يا رب لما أقابلك في الجنة أعرفك من أول نظرة وأحضنك الحضن اللي اتحرمنا منه هنا… ومابقاش فيه بعده فراق 🤍 ٤ شهور يا سيلا… ٤ شهور من الذكريات وعمري ما هنساكي يا سيلا وهفضل أتكلم عنك مع أخواتك وأحكيلهم عنك وعن قد إيه كنتِ غالية وحبيتك قبل ما أشوفك وهفضل أقول لهم إن ليهم أخت اسمها سيلا وإنك جزء من بيتنا وقلوبنا حتى لو مش موجودة وسطنا 😭

احمد وسارة - Ahmed & Sara

Open In TikTok:

Region: EG

Thursday 08 October 2026 06:59:57 GMT