قريبة ولا بعيدة نبغيك، وين ما تكوني قلبي ديما معاك، حتى كي تبعدي عليّا، نحسّك قريبة، وكل لحظة ما نسمعش فيها صوتك توحشني ليك. نبغيك في ضحكتك، في كلامك، في عيونك، وفي التفاصيل الصغيرة لي يمكن حتى نتي ما تنتبهيش ليها. نبغيك كي تكوني فرحانة، وكي تكوني زعفانة، وحتى كي تسكتي وما تقولي والو، نبقى نفهمك بقلبي. المسافة ما تهمنيش، خاطر قلبي ما يعرفش البعد، يعرف غير بلي نتي الإنسانة لي سكنت فيه وما لقيتش كيفاش نخرجك منو، ولا حتى حبيت نخرجك. إذا كنتي بعيدة، نستنّاك، وإذا كنتي قريبة، نحب نقرّب أكثر، وإذا الدنيا فرّقت بيناتنا ألف طريق، نبقى نختارك نتي في كل طريق. نبغيك حب ما هوش مربوط بوقت، لا بنهار مليح ولا بظروف مليحة، نبغيك اليوم، وغدوة، وبعد غدوة، وكل مرة نشوفك فيها نحبك أكثر من المرة لي قبلها. وإذا سقصاوني واش معناها عندي كلمة "حب"، نقولهم: هي نتي… هي صوتك كي نسمعو ونرتاح، هي ضحكتك كي تبدّل نهاري كامل، وهي قلبي كي يختارك كل مرة، بلا ما يستاشرني. قريبة ولا بعيدة نبغيك، ومهما طال الغياب، ما يتبدل والو في قلبي… خاطر نتي ماشي غير وحدة نحبها، نتي راكي الحاجة الحلوة لي نتمنى تبقى معايا العمر كامل. ❤️ #الحب #العشق #الشوق #for #fyp @ᝣᝰTawfik Choukri ᝰᝣ 🇲🇦 14أ @IMMOBILIER OUJDA 48 ❤️ - @lenostalgique47