@sokoineu_: Maandamano ya kitaaluma yakiongozwa Brass Band yameingia ukumbini tayari kwa kuanza kwa Mahafali ya 48 ya Chuo Kikuu cha Sokoine cha Kilimo (SUA), Kampasi ya Edward Moringe, Morogoro. Leo, Oktoba 8, 2026, Chuo Kikuu cha Sokoine cha Kilimo kinafanya Mahafali ya 48, ambapo jumla ya wahitimu 3,309 wanatarajiwa kutunukiwa Shahada za Awali na Shahada za Uzamili baada ya kufaulu masomo yao. Kati ya wahitimu hao, watano wanatarajiwa kutunukiwa Shahada ya Umahiri ya Sayansi ya Takwimu za Kilimo (Master of Science in Agricultural Statistics), inayotolewa kwa ushirikiano kati ya SUA na Chuo cha Takwimu Mashariki mwa Afrika (EASTC). Aidha, wanafunzi 22 wanatarajiwa kutunukiwa Shahada ya Uzamivu ya Chuo Kikuu cha Sokoine cha Kilimo.