ကိုယ့်စည်းနဲ့ကိုယ် နေထိုင်နိုင်ဖို့ ကြိုးစားပါ လှုပ်ရှားရုန်းကန်နေရတဲ့ ဒီလောကကြီးထဲမှာ လူတိုင်းဟာ ကိုယ်စီ အလုပ်ရှုပ်နေကြတာချည်းပါပဲ။ ဒါပေမယ့် ခေါင်းရှုပ်စရာတွေ ပူလောင်စရာတွေ ကြားထဲမှာ မလိုအပ်ပဲ ပါဝင်ပတ်သ,တ်နေမယ့်အစား မိမိရဲ့ စည်းစနစ်၊ စည်းဘောင်လေးနဲ့ပဲ အေးအေးဆေးဆေး နေထိုင်တာဟာ အကောင်းဆုံး ဘဝနေနည်းပါပဲ။ အတင်းအဖျင်းတွေ၊ အပြိုင်အဆိုင်တွေနဲ့ ရှုပ်ထွေးနေတဲ့ လောကကြီးမှာ ကိုယ့်စည်းလေးနဲ့ကိုယ် ငြိမ်ငြိမ်လေးနေတာကို အချို့က မာနကြီးတယ်လို့ ထင်ကောင်း ထင်ကြပါလိမ့်မယ်။ အမှန်တော့ ဒါဟာ မာန ထောင်လွှားနေတာ မဟုတ်ပါဘူး။ မိမိကိုယ်ကို တန်ဖိုးထားတတ်တာ မိမိစိတ်ရဲ့ အေးချမ်းမှုကို ကာကွယ်နေတာပဲ ဖြစ်ပါတယ်။ ပြုံးပြသင့်တဲ့နေရာမှာ ချိုသာစွာ ပြုံးပြမယ် တိတ်ဆိတ်သင့်တဲ့နေရာမှာ ငြိမ်သက်စွာပဲ တိတ်ဆိတ်နေလိုက်မယ်။ မလိုအပ်ပဲ ဝင်ပါတာ၊ မဆိုင်တဲ့နေရာမှာ စကားအပိုတွေ ပြောနေတာထက်စာရင် နှုတ်ဆိတ်နေခြင်းက မိမိရဲ့ တန်ဖိုးကို ပိုမိုမြင့်မားစေပါတယ်။ ငါက စေတနာထားတာပဲ၊ ငါက ကူညီပေးတာပဲ ငါကပဲ သည်းခံပေးတာပဲဆိုပြီး လူတိုင်းအပေါ် အတိုင်းအဆမရှိ ပေးဆပ်နေဖို့ မလိုပါဘူး။ စေတနာကို စေတနာမှန်း မသိ ကူညီမှုကို အမြတ်ထုတ် သည်းခံပေးတာကို အဖက်မလုပ်ပဲ ရောင့်တက်လာတဲ့ ဆက်ဆံရေးမျိုးတွေမှာတော့ လမ်းခွဲလိုက်တာ အကောင်းဆုံးပါပဲ။ ထိုက်တန်မှု မရှိတဲ့သူတွေအတွက် မိမိရဲ့ မေတ္တာနဲ့ စေတနာကို အလဟဿ မဖြုန်းတီးပါနဲ့။ စေတနာကို တန်ဖိုးမထားတဲ့သူတွေဆီက စွန့်ခွာလိုက်လို့ နောက်ဆုံးမှာ ဆုံးရှုံးသွားမှာက သူတို့ပါပဲ၊ မိမိဘက်က ဘာမှ ဆုံးရှုံးစရာ မရှိပါဘူး။ ဘဝဆိုတာ တိုတိုလေးပါ။ ကိုယ့်စိတ်ကို ပူလောင်စေတဲ့၊ တန်ဖိုးမထားတဲ့ ဆက်ဆံရေးတစ်ခုမှာ စိတ်ဆင်းရဲခံပြီး ဆက်ရှိနေဖို့ မထိုက်တန်ပါဘူး။ ဘယ်လောက်ပဲ နီးစပ်ခဲ့ပါစေ ပူလောင်မှုပဲ ပေးစွမ်းနေတဲ့ ဆက်ဆံရေးဆိုရင် ရဲရဲဝံ့ဝံ့ စွန့်ခွာရဲတဲ့ သတ္တိ ရှိရပါမယ်။ ဒါကြောင့် စိတ်ဓာတ်မကျပါနဲ့။ ကိုယ့်ရဲ့ စည်းဘောင်လေးထဲမှာပဲ အေးအေးဆေးဆေးနဲ့ တန်ဖိုးရှိရှိ နေထိုင်ပါ။ ကိုယ့်အပြုံး၊ ကိုယ့်တိတ်ဆိတ်မှုနဲ့ ကိုယ့် မေတ္တာကို ထိုက်တန်သူတွေအတွက်ပဲ သိမ်းဆည်းထားပါ။ မိမိကိုယ်ကို ချစ်ခြင်း၊ တန်ဖိုးထားခြင်းကသာ ဘဝမှာ အစစ်မှန်ဆုံး ငြိမ်းချမ်းခြင်းကို ဆောင်ကြဉ်းပေးမှာ ဖြစ်ပါတယ်။ ေ.သချာမှတ်ထားရမှာကတော့ ပူလောင်စေတဲ့ ဆက်ဆံရေးဆိုရင် ဆက်ပြီး ဆုပ်ကိုင်မထားပဲ လွှတ်ချလိုက်ပါ......။ #crd_to_owner_with_respect #လူငယ်များအတွက် #ဘဝစာပေ #ဗဟုသုတစာပေ #knowledgesharing - @aun.myo.thant2