افغان‌الاصل امریکايي دیپلومات او د افغانستان لپاره د امریکا پخواني ځانګړي استازي، زلمي خلیلزاد، ادعا کړې چې د ډیورنډ کرښې تړون په ۱۸۹۳ کال کې د افغانستان د امیر عبدالرحمن خان او برتانوي هند ترمنځ لاسلیک شوی، نه له پاکستان سره. خلیلزاد ویلي، د نوموړي په وینا د تړون موده ۱۰۰ کاله ټاکل شوې وه او په ۱۹۹۳ کال کې پای ته رسېدلې ده. هغه ادعا کړې چې د تړون له مخې برتانوي هند مکلف و چې هر کال افغانستان ته ۱۸ لکه پونډه ورکړي او تړون شپږ شرطونه لرل. د خلیلزاد په وینا، له سل کلنې مودې وروسته باید هغه سیمې چې د برتانوي هند تر واک لاندې وې، بېرته افغانستان ته سپارل شوې وای. نوموړي ویلي، د تړون اصلي سند لا هم په برتانیا کې موجود دی او په دې اړه یې له خپلو همکارانو او د امریکا له ځینو کانګرس غړو سره خبرې کړې دي. خلیلزاد زیاته کړې چې په همدې تړاو به په امریکا کې یو پرېکړه‌لیک هم وړاندې شي او د کانګرس له یو شمېر غړو سره یې لا له وړاندې همغږي کړې ده. #Kabultime #afghanistan🇦🇫 - @omerkhilz