@turkistan_oblysy_aksakal: «ӘЛИХАН БӨКЕЙХАН – ҰЛТ-АЗАТТЫҚ КҮРЕСКЕРІ» Алаш қайраткері, Ұлт көсемі Әлихан Бөкейханның туғанына 160 жыл толуына орай «Әлихан Бөкейхан – ұлт-азаттық күрескері» атты танымдық-деректі фильмнің көрсетілімі өтті. Танымдық-деректі фильмнің авторы – Әлихан Бөкейханның рухани мұрасын насихаттап жүрген шырақшысы Тұңғышбай Мұқан, режиссері – Медеу Әбеузар. «Ұлы дала елі» орталығында өткен шараға Түркістан облысы Ақсақалдар алқасының төрағасы Ізтілеуов Есенәлімұрат Маханұлы қатысып, сахна төрінде сөз сөйледі. Өз сөзінде ол Әлихан Бөкейханның ел тарихындағы орнына тоқталып, Алаш қайраткерлерінің ұлт болашағы үшін атқарған еңбегінің маңызын атап өтті. Іс-шараға сондай-ақ Түркістан облысы Ақсақалдар алқасы төрағасының орынбасары Тұрғанбаев Сұлтан-Мұрат Сыздықұлы, Сыздықова Айпаршын Сағымбековна, Сыздықов Батырхан, Мырзабекова Жанат және Батырова Дилара қатысты. Фильм көрсетілімі барысында Әлихан Бөкейханның өмірі мен қоғамдық-саяси қызметі, ұлт азаттығы жолындағы күресі және Алаш идеясының тарихи маңызы кеңінен қамтылды. Тағылымды шараның негізгі мақсаты – Алаш қайраткерлерінің өнегелі жолын насихаттап, ұлттық тарих пен елдік құндылықтарды дәріптеу.

263

There are no more comments for this video.

To see more videos from user @turkistan_oblysy_aksakal, please go to the Tikwm homepage.