@sikili69: اليوم تعرّضت لضغط وتهديد، ونعتبر اللي صار معايا محاولة لاستعمال النفوذ، من طرف المدعو نزار الداكس. الشخص هذا سبق وتهجّم عليّا وقال كلام خطير في حقي، واليوم أنا كي عملت فيديوهات نقد، كان النقد متعلّق بنشر معطيات شخصية متاع ناس وأحكام قضائية، وهي مسائل عندها أطر قانونية واضحة وما يلزمش التعامل معاها بطريقة عشوائية. وأنا اليوم كنت في الباخرة، خرج في لايف وقال كلام من نوع: «مرحبا بيك في تونس، هاني باش نركبك على البغلة»، بمعنى كلام فيه تهديد وإهانة، وزاد قالّي: «هاو جايك الاستدعاء للدار». وبعدها بالفعل وصلني استدعاء بخصوص شبهة. أنا نحب نقولها بكل وضوح: أنا نثق في مؤسسات الدولة التونسية، نثق في القضاء، ونثق في مؤسسات بلادي، وعندي ثقة في رئيس الجمهورية ووزير الداخلية وفي أجهزة الدولة. أنا مواطن عادي، صاحب بثوث على مواقع التواصل الاجتماعي. صحيح ساعات في البثوث يتقال كلام زايد، أما هذا ما يعنيش إني نولي متهم في قضايا ما عنديش حتى علاقة بيها. أنا لا علاقة ليا بالمعارضة، لا بأمن الدولة، لا بأي نشاط سياسي. واليوم، مهما صار معايا من تفتيش وإجراءات في الديوانة، نحب نوجّه تحية كبيرة لأعوان الديوانة التونسية، من أصغر عون إلى أكبر مسؤول. الناس هاذم عاملوني بكل احترام وبطريقة مهنية، وحافظوا على كرامتي كمواطن. وبالحق يستحقوا الشكر والتقدير. أما الرسالة اللي نحب نوصلها اليوم هي هاذي: النفوذ ما ينجمش يكون فوق القانون، وأي مواطن تونسي عندو الحق يتحاسب كان بالقانون وبالإجراءات القانونية، موش بالتهديد ولا بالضغط ولا بالتخويف. أنا ما نخافش من القانون، خاطر القانون هو اللي نحتمي بيه. وإذا فما شبهة أو قضية، القضاء هو اللي يقرر، موش الأشخاص. واثق في تونس، واثق في مؤسساتها، وواثق إنو ما فما حتى إنسان فوق القانون. وتونس ديما في العالي 🇹🇳 الحمد لله على كل حال.

Sikili ™ 🇹🇳

Open In TikTok:

Region: TN

Thursday 08 October 2026 18:29:21 GMT