Muddadii Madaxweyne Muuse Biixi Cabdi ee 2017–2024, Somaliland waxay martay marxalad ay ka muuqdeen mashaariic iyo horumarro badan oo la taaban karo. Waxaa la dhammeystiray ama la horumariyey waddooyin waaweyn oo ay ka mid yihiin Berbera–Wajaale Corridor, Hargeysa Bypass, Burco–Ceerigaabo iyo waddooyin kale oo isku xira gobollada, iyadoo warbixinnada dowladda ay sheegayaan in boqolaal kiiloomitir oo waddooyin ah iyo buundooyin la dhisay. Dekedda Berbera waxaa lagu sameeyey ballaarin iyo casriyeyn weyn, halka Garoonka Caalamiga ah ee Berbera loo horumariyey adeegyo caalami ah. Sidoo kale waxaa la dhammeystiray wejigii hore ee Somaliland Economic Zone, waxaana la horumariyey Maydh Fishing Port. Dhanka biyaha, warbixinnada dowladda waxay xuseen ceelal, biyo-xireenno iyo mashaariic biyo-ballaadhin ah, gaar ahaan Hargeysa, halka adeegyada caafimaadkana la sheegay in la kordhiyey xarumaha caafimaadka, shaqaalaha caafimaadka, ambalaasyada iyo adeegga sifaynta kelyaha. Sidoo kale, muddadaas waxaa Somaliland ka dhacay mashaariic ay taageereen hay’ado iyo dowlado shisheeye, oo ay ka mid ahaayeen horumarinta waddooyinka, biyaha iyo kaabayaasha dhaqaalaha. Taariikhdu marka ay qoreyso xukuumad kasta, waxa ugu muhiimsan waa waxa shacabka hortooda ka muuqda: waddo la maro, deked shaqaysa, garoon la horumariyey, biyo la helay iyo adeeg bulsho oo la ballaadhiyey. 2017–2024 waxay ahayd muddo ay jireen guulo, caqabado iyo dooddo siyaasadeedba; balse mashaariicdaas la diiwaangeliyey waxay qayb ka yihiin raadkii xukuumaddii Madaxweyne Muuse Biixi Cabdi ee Somaliland. - @sadam_hussain729