@zoya__naz: بہت پہلے سنا تھا کہ محبت اجاڑ دیتی ہے، تب یہ بات صرف ایک جملہ لگتی تھی… سمجھ نہیں آتا تھا کہ محبت آخر کسی لڑکی کو کیسے اجاڑ سکتی ہے؟ پھر زندگی نے خود وہ سبق پڑھا جسے کبھی کتابوں میں پڑھا تھا۔ اب آئینہ دیکھتی ہوں تو ایک زندہ مثال سامنے کھڑی ہوتی ہے۔ کبھی یہی چہرہ بےفکری سے مسکرایا کرتا تھا، آنکھوں میں خواب سجے رہتے تھے، دل کو لوگوں پر یقین تھا اور محبت کے نام سے صرف خوبصورت احساس وابستہ تھا۔ پھر ایک شخص زندگی میں آیا، جسے اپنا سمجھتے سمجھتے میں خود سے دور ہوتی گئی۔ اس نے محبت کا مطلب تو سکھایا، مگر جاتے جاتے خود سے بچھڑنے کا ہنر بھی دے گیا۔ اب مسکراہٹ چہرے پر ہوتی ہے، مگر پہلے جیسی نہیں… آنکھیں سب کچھ دیکھتی ہیں، مگر ہر شخص پر پہلے جیسا یقین نہیں کرتیں۔ محبت نے شاید مجھے برباد نہیں کیا، بس مجھے پہلے والی لڑکی نہیں رہنے دیا۔ اب کسی کے وعدے پر فوراً یقین نہیں آتا، کسی کی قربت میں سکون کے ساتھ ایک انجانا سا خوف بھی رہتا ہے، اور کسی کے چھوڑ جانے کا دکھ اتنا نہیں ہوتا جتنا خود کو دوبارہ سمیٹنے کا ہوتا ہے۔ کبھی کبھی دل چاہتا ہے کہ کاش وہ پرانی سی لڑکی واپس آ جائے جو چھوٹی چھوٹی باتوں پر خوش ہو جاتی تھی، لوگوں کی نیت پر شک نہیں کرتی تھی اور محبت کو صرف محبت سمجھتی تھی۔ کبھی سوچتی ہوں، لوگ کہتے ہیں محبت لڑکی کو مکمل کر دیتی ہے… شاید کرتی ہو، مگر جب وہی محبت ادھوری رہ جائے تو ایک لڑکی اپنے ہی اندر کتنے حصوں میں بٹ جاتی ہے، یہ صرف وہ جانتی ہے جو رات کی خاموشی میں اپنے آنسو خود پونچھ چکی ہو۔ باہر سے وہ آج بھی مسکراتی ہے، تیار ہوتی ہے، سب سے ہنس کر بات کرتی ہے… مگر آئینہ جانتا ہے کہ اس مسکراہٹ کے پیچھے کتنی خاموش کہانیاں دفن ہیں۔🫠🖤🥀 #💔 #foryou #foryoupage