@aigak.media: 🔹Джеки Чан «Құдайдың сауыт-сайманы: Ультиматум» фильмінің түсірілімі аяқталғанын хабарлады. Актердің айтуынша, бұл жобаның идеясы осыдан сегіз жылға жуық уақыт бұрын Қытайда Ерлан Қаринмен кездескен кезде пайда болған. Сол кезде Қарин шай үстінде және кешкі ас барысында әйгілі франшизаның жалғасын Қазақстанда түсіруді ұсынған. 🔹Бастапқыда Джеки Чан бұл ұсынысқа күмәнмен қараған. Оның айтуынша, лайықты сценарий болмаған әрі Қазақстанның мәдениеті мен тарихын жеткілікті деңгейде білмеген. Алайда Ерлан Қарин идеяны жүзеге асыруға күш салып, актерге кітаптар мен бейнематериалдар жіберіп отырған. Бір жылдан кейін оны Қазақстанға шақырған. Сол уақытқа дейін фильмнің түсірілім тобы жасақталып, сценарий әзірленіп, режиссер іздеу жұмыстары басталған. 🔹Актердің айтуынша, әдетте белгілі бір елде фильм түсіру туралы ұсыныстар әңгіме күйінде қалып қояды. Ал Қазақстанда барлық келісімдер орындалған. Джеки Чан түсірілім тобының жұмысын өзі бірге еңбек еткен үздік командалардың бірі деп бағалап, бұл картина Қазақстанмен бірлескен соңғы жоба болмауы мүмкін екенін атап өтті. 🎥: @qaz.inform
