@zayartbz7.1: လွိုင်လင်မြို့နယ်၊ ပင်လုံမြို့တွင် ခရိုင်စစ်မှုထမ်းဆင့်ခေါ်ရေးအဖွဲ့နှင့်ပျူစောထီးများက နေ့ခင်းအချိန် လူငယ်များကို ကားဖြင့် ဝင်ရောက်ပေါ်တာဆွဲ ဖမ်းဆီး ရန်ကုန်၊အောက်တိုဘာ ၉ ရှမ်းပြည်နယ်တောင်ပိုင်း၊ လွိုင်လင်ခရိုင်၊ လွိုင်လင်မြို့နယ်၊ ပင်လုံမြို့တွင် ခရိုင်စစ်မှုထမ်းဆင့်ခေါ်ရေးအဖွဲ့နှင့်ပျူစောထီးများက နေ့ခင်းအချိန် ရပ်ကွက်များနှင့်နေအိမ်များပေါ်သို့ ဝင်ရောက်ကာ လူငယ်များကို ပေါ်တာဆွဲ ဖမ်းဆီးသွားကြောင်း ဒေသပြည်သူများနှင့် ဖမ်းဆီးခံလူငယ်တချို့၏ မိတ်ဆွေများက ရန်ကုန်ခေတ်သစ်သတင်းဌာနထံသို့ ပြောဆိုသည်။ အောက်တိုဘာလ ၈ ရက်နေ့ နံနက်ပိုင်း အကြမ်းဖက် စစ်တပ်လက်အောက်ခံ ပြည်သူ့စစ်ခေါ် ပျူစောထီးများနှင့် ခရိုင်ထွေအုပ်အဖွဲ့က လွိုင်လင်မြို့နယ်၊ အမှတ် ၂ ရပ်ကွက်၊ ပင်လုံမြို့ပေါ်သို့ ဝင်ရောက်ကာ နေအိမ်များ၊ ရပ်ကွက်များသို့ လှည့်လည် တွေ့မြင်သမျှ လူငယ်များကို ပေါ်တာဆွဲ ဖမ်းဆီးသွားခြင်းဖြစ်ကြောင်း သိရှိရသည်။ "၊လွိုင်လင်ခရိုင်အတွင်းမှာ စစ်တပ်က ဖွဲ့ပေးထားတဲ့ အပြာကောင်တွေက နေ့ခင်းအချိန်ကို နေအိမ်နဲ့ ရပ်ကွက်တွေထဲအထိ ဝင်ဆွဲတာ။ ငိုတဲ့သူက ငို၊ ပြေးတဲ့သူက ပြေးနဲ့ ၀ရုန်းသုန်းကားပဲ" ဟု အဆိုပါဖြစ်စဉ်ကို သိရှိထားသော သတင်းရင်းမြစ်က ပြောဆိုသည်။ အကြမ်းဖက်စစ်တပ်က ဩဂုတ်လအတွင်းမှစတင်၍ မြို့နယ်စစ်မှုထမ်းဆင့်ခေါ်ရေးအဖွဲ့ အစား ခရိုင်စစ်မှုထမ်းဆင့်ခေါ်ရေးအဖွဲ့ကို စစ်မှုထမ်းဆင့်ခေါ်ရေးလုပ်ငန်းစဉ်များအားလုံး ထိန်းချုပ်စီမံခန့်ခွဲ လွှဲပြောင်းပြီးနောက် ပေါ်တာဆွဲ ဖမ်းဆီးမှုများ ပိုမို ဆိုးရွားလာနေကြောင်း တောင်ကြီးမြို့နယ်မှ တော်လှန်ရေးသတင်းရင်းမြစ်က ပြောဆိုသည်။ "မြို့နယ်တုန်းက ကိုယ့်မြို့နယ်၊ ကိုယ့်ရပ်ကွက်ဆိုတော့ ငွေနဲ့ ညှိလို့ရသေးတယ်။ ခရိုင်ကိုလည်း လွှဲပေးလိုက်ရော လမ်းမှာတွေ့ရင် လမ်းမှာဆွဲတယ်။ ရပ်ကွက်တွေနဲ့ နေအိမ်ပေါ်အထိ တက်ပြီးလည်း ပေါ်တာဆွဲတယ်။ ရပ်ကွက်ကလည်း ခရိုင်က ဆင်းဖမ်းတာကို ကြိုမသိဘူး။ အဲဒီတော့ ပြေးချိန်မရတော့ အကုန်ပါကုန်တယ်။ လွတ်တဲ့လူတွေက ရပ်ဝေး ပြေးမှ လွတ်တာ" ဟု တောင်ကြီးမြို့နယ်မှ တော်လှန်ရေး သတင်းရင်းမြစ်က ပြောဆိုသည်။ အကြမ်းဖက်စစ်တပ်က ယခုအောက်တိုဘာလအတွင်း စစ်မှုထမ်းအပတ်စဉ် ၂၉ ကို ဖွင့်လှစ်မည်ဖြစ်ကြောင်း သိရှိရသည်။@Zayar TBZ 5 @ZayarTBZ 7 News #ပြည်တွင်းသတင်း #စစ်တပ်ယုတ်မာမှုပေါင်းစုံငါတို့အသိဆုံး #မြန်မာသတင်းများ #ပြည်သူများဘေးကင်းကြပါစေ #zayartbz

ZayarTBZ 7.1News🍉

Open In TikTok:

Region: TH

Friday 09 October 2026 06:47:34 GMT