@yinebebtamiru: የክፍል ጓደኛዬ ጠራኝና ይነበብ ዩቲዩብ ጀምረሃል እንዴ ብሎ ሲጠይቀኝ አዎ ምነዉ አልኩት? አዉራዎች ሪአክት አድርገዉሃል ብሎ ሳይጨርስ ሮጬ ዩቲዩቤን ከፈትኩና አየሁ እዉነት ነበር። እግዚአብሔር ምስክሬ ነዉ በጊዜዉ በደስታ ብዛት ዘለልኩ ከልቤ ሳቅኩ… እዩ አንተና ጓደኛህ የሰራችሁት ሪአክሽን ለእኔ ምን ያህል ትልቅ ነገር እንደነበር አታውቅም። የዩቲዩብ ጉዞዬን ስጀምር ማንም የሚያውቀኝ አልነበረም። ብዙ ጊዜ ቪዲዮ እየሰራሁ የትም እንደማልደርስ ይሰማኝ ነበር። ልተወውም እንኳን አስቤ ነበር። ከዚያ እናንተ የፕራንክ ቪዲዮዬን ሪአክት አደረጋችሁት።ለእናንተ ዝም ብሎ የፕራንክ ቪዲዮ ብቻ ሊሆን ይችላል።ለእኔ ግን ብዙ ነገር ነበር። እግዚአብሔር በሚያዉቀዉ በእናንተ ሪአክሽን ምክንያት ነዉ ተስፋዬ ለምልሞ የቀጠልኩት። ምን ያህል እንደረዳችሁኝ አታውቁም። ግን እኔ ፈጽሞ አልረሳውም። ይሄንን ስል አሁን ትልቅ ቦታ ደርሼ ሳይሆን ትልቅ ቦታ የሚያደርሰኝን ተስፋ ሰንቄ ነዉ። በእናንተ ምክንያት። ዛሬ አንተ እንደሌለህ መስማት በእውነት በጣም ያማል። ልቤ ተሰብሯል።ገና በጣም ወጣት ነበርክ። እዩ ሳታውቀኝ በጉዞዬ ላይ ትልቅ ተፅዕኖ አሳድረሃል።ተስፋ በቆረጥኩበት ጊዜ ተስፋ ስለሰጠኸኝ አመሰግናለሁ። እግዚአብሔር ለቤተሰቦችህ፣ ለጓደኞችህ እና ለሚወዱህ ሁሉ መጽናናትን ይስጥ።🙏🏾 ነፍስህን በገነት ያኑርልን።