လောကကြီးမှာ ရင်းနှီးမှုနဲ့ တန်တဲ့လူတွေလည်း ရှိတယ်။ နွေးထွေးမှုနဲ့ တန်တဲ့လူတွေလည်း ရှိတယ်။ တန်ဖိုးထားမှုနဲ့ တန်တဲ့လူတွေလည်း ရှိသလို ဥပေက္ခာနဲ့ တန်တဲ့လူတွေလည်း ရှိတယ်။ ဒါဟာ ကိုယ်က လူတွေကို အဆင့်အတန်းခွဲပြီး တန်ရာတန်ရာ သတ်မှတ်ထားတာ မဟုတ်ပါဘူး။ တစ်ယောက်ယောက်ကို ဘယ်လောက်ထိ ရင်းနှီးခွင့်ပေးမလဲ၊ ဘယ်လောက်ထိ တန်ဖိုးထားပေးမလဲ၊ ဘယ်လောက်ထိ နွေးထွေးပေးမလဲဆိုတာတွေက သူတို့ရဲ့ လုပ်ရပ်တွေပေါ်မှာပဲ မူတည်လာတာပါ။ ကိုယ်က ရင်းရင်းနှီးနှီး ဆက်ဆံခဲ့ပေမယ့် တန်ဖိုးမထားတတ်တဲ့သူတွေ ရှိတယ်။ ကိုယ်က အမြဲနားလည်ပေးခဲ့ပေမယ့် ကိုယ့်ခံစားချက်ကို နားမလည်ပေးတဲ့သူတွေလည်း ရှိတယ်။ တစ်ချို့လူတွေကတော့ ကိုယ်ပေးခဲ့တဲ့ မေတ္တာနဲ့ ယုံကြည်မှုကို တန်ဖိုးထားတတ်ကြတယ်။ အဲ့ဒီလိုလူတွေအတွက်တော့ ရင်းနှီးမှုဆိုတာ ရင်းနှီးရကျိုးနပ်သလို မေတ္တာပေးရတာလည်း အဓိပ္ပာယ်ရှိပါတယ်။ ဒါပေမယ့် ကိုယ့်ရဲ့ကောင်းမွန်မှုကို အခွင့်ကောင်းယူပြီး ကိုယ့်တန်ဖိုးကို မမြင်တတ်တဲ့သူတွေကိုတော့ အရင်လို ဆက်ပြီး ပေးနေဖို့ မလိုတော့ဘူး။ တစ်ခါတလေ အကွာအဝေးဆိုတာ မုန်းလို့ထားတာမဟုတ်ဘူး။ ဥပေက္ခာဆိုတာလည်း မကောင်းလို့ပေးတာမဟုတ်ဘူး။ သူတို့ရဲ့ လုပ်ရပ်တွေက သူတို့ကိုယ်တိုင် ဘယ်လိုဆက်ဆံခံထိုက်တယ်ဆိုတာ တဖြည်းဖြည်း သင်ပေးသွားတာပါ။ ဒါကြောင့် ဘယ်သူ့ကိုမဆို သူ့လုပ်ရပ်ထက် ပိုပြီး မေတ္တာမပေးတော့ဘူး။ သူတန်ဖိုးထားသလောက်ပဲ တန်ဖိုးထားမယ်။ သူရင်းနှီးသလောက်ပဲ ရင်းနှီးမယ်။ တန်ရာတန်ရာဆိုတာ ကိုယ်က ခွဲခြားထားတာမဟုတ်ဘူး သူတို့ကိုယ်တိုင် ပြုမူခဲ့တဲ့ပုံစံနဲ့ သူတို့ကိုယ်တိုင် ရွေးချယ်သွားကြတာပါပဲ။ #crd_to_owner_with_respect #လူငယ်များအတွက် #ဘဝစာပေ #ဗဟုသုတစာပေ #knowledgesharing - @jigrawng14