@balitaphl: Idiniin ng Palasyo na patuloy na magtatrabaho at hindi maaapektuhan si Pangulong Ferdinand “Bongbong” Marcos, Jr. sa anumang survey firm. Kasunod ito ng inilabas na datos ng Social Weather Stations (SWS) sa kanilang website noong Huwebes, Oktubre 8, kung saan makikitang bumagsak ang net satisfaction ng Pangulo sa -11 nitong Setyembre 2026, mula sa -7 noong Hunyo 2026. “Kahit kailan, kahit ano pang survey firm—tumaas, bumaba, hindi naaapektuhan ang Pangulo. Tuloy-tuloy ang pagtatrabaho,” saad ni Presidential Communications Office (PCO) Undersecretary at Palace Press Officer Atty. Claire Castro sa isang press briefing sa Singapore nitong Biyernes, Oktubre 9. Diin niya, “Hindi nagbabakasyon, nagtatrabaho.” Anang press officer, tila ba “timely” ang lumabas na datos mula sa naturang survey. “So, very timely lang kasi ang paglabas nito dahil maraming isyu na kinasasangkutan ngayon ang bise presidente,” anang press officer. “So, again, ang numero ng survey firms, hindi po ‘yan makakaapekto sa pagtatrabaho ng Pangulo,” giit pa ni Usec. Castro. Sa kasalukuyan, si PBBM ay nasa Singapore para sa isang working visit. #Balita #PBBM #BongbongMarcos #Rating #Satisfaction @Manila Bulletin

Balita

Open In TikTok:

Region: PH

Friday 09 October 2026 13:30:00 GMT