@aqtau_qalalyq_mesiti: Ақтау қалалық «Шопан Ата» мешітінде Қазақстан халқы Ассамблеясы өкілдерінің ұйымдастыруымен арнайы қаралы дастарқан жайылып, әскери міндетін өтеу барысында мезгілсіз қаза болған 14 боздақтың рухына тағзым етілді. Шараға мешіт имамдары, ақсақалдар және этнос өкілдері қатысты.. Басқосу барысында мешіт имамдары Отан алдындағы борышын өтеу кезінде бақилық болған сарбаздардың рухына қасиетті Құран аяттарын оқып, сауабын бағыштады. Жиналған қауым жауынгерлердің отбасылары мен жақындарына көркем сабыр тілеп, бірлесе дұға жасады.Аузы дуалы, сөзі берекелі ел ақсақалдары жас кеткен өрендердің отбасына қайғыра көңіл айтып, ел іргесінің тыныштығы мен ынтымағы үшін ақ баталарын берді. Олар мұндай қасіреттің енді қайталанбауын тілеп, жастарды бірлікке шақырды. Шараны ұйымдастырушы түрлі ұлт өкілдері Қазақ топырағындағы әрбір перзенттің қазасы барша халықтың ортақ қайғысы екенін жеткізді. Бұл басқосу — сан ұлттың басын біріктірген қара шаңырақтың қиындық сәтте де бір мүшедей жанашыр болатынын айқын көрінісі болды...
