ချစ်ဖို့ကောင်းတဲ့ အမှတ်တရလေး 🤗 𝗣𝗥𝗢𝗠𝗜𝗦𝗘 — 2026 𝗝𝗶𝗺𝗶𝗻 𝗕𝗶𝗿𝘁𝗵𝗱𝗮𝘆 𝗣𝗿𝗼𝗷𝗲𝗰𝘁 𝗣𝘁.5 "𝙁𝙤𝙧 𝙩𝙝𝙚𝙞𝙧 𝙩𝙤𝙢𝙤𝙧𝙧𝙤𝙬" လေးကို October 8 ရက်နေ့မှာ ပြုလုပ်လို့ပြီးဆုံးသွားခဲ့ပါတယ်။ ဒီ Birthday project မှာ Team အနေနဲ့ မကြာသေးခင်က ရေဘေးနဲ့ကြုံတွေ့ခဲ့ရပြီး လက်ရှိမှာ ပြန်လည်ထူထောင်ရေး ကာလဖြစ်နေတဲ့ဒေသက ငွေကြေးအခက်ခဲရှိတဲ့ ကျောင်းသားတွေကို ပညာရေးအထောက်အပံ့တစ်ခုအနေနဲ့ ကျောင်းသုံးပစ္စည်းတွေ လှူဒါန်းဖို့စီစဥ်ထားတာပါ။ ဒီအလှူလေးကို မနေ့ကပဲ အဆင်ပြေပြေနဲ့ ပြီးမြောက်အောင် လုပ်ဆောင်နိုင်ခဲ့ပါတယ်။ သွားလှူဖြစ်ခဲ့တဲ့နေရာကတော့ ငဝန်တာအနီးနားက (ရေဘေးကြုံတွေ့ခဲ့ရတဲ့ဒေသ) ရေကြည်မြို့ ငါးသိုင်းချောင်းမြို့နယ်မှာရှိတဲ့ မူလတန်းကျောင်းမှာ လှူဖြစ်ခဲ့ပါတယ်။ ဒီကျောင်းက အနီးအနားက တခြားကျောင်း နေရာတွေနဲ့ယှဥ်ရင် အဆင်မပြေဆုံး အခြေခံမိသားစုတွေထဲက ကလေးပဲလာရောက်တက်တဲ့ကျောင်းပါတဲ့၊ ကျောင်းရဲ့ အဆောက်အဦးတောင် အရင်က တရုတ်တွေအသုံးပြုခဲ့တဲ့ အဆောက်အဦးအဟောင်းကိုမှ အဲ့နယ်က အဆင်မပြေတဲ့ ကလေးတွေအသုံးပြုနိုင်အောင် ပြန်လျှောက်ပြီး မူလတန်းကျောင်းအဖြစ်ဖွင့်လှစ်ထားရတာမျိူးပါ။ (ကလေးတွေက အရမ်းချစ်ဖို့ကောင်းပါတယ်။ 🥺💗) အစ်မတို့ သွားလှူတဲ့ထဲ ကျောပိုးအိတ်လေးတွေပါပါတော့ ကလေးတွေလည်း အရမ်းပျော်ပြီး၊ တာဝန်ခံဆရာမတွေကလည်း ကျေးဇူးတင်နေခဲ့တာ ဘာလို့ဆို အဲ့မှာတက်နေတဲ့ တချို့ကလေးတွေဆို စာအုပ်ထည့်ဖို့ ဘေးလွယ်အိတ်တောင် မရှိတော့လို့ အင်္ကျီလက်ဆွဲအိတ်လေးတွေနဲ့ ကျောင်းလာတက်နေကြရှာတာ🥺 ဆရာမတွေကလည်း volunteer team ပြန်တဲ့အထိ ကျေးဇူးတင်ကြောင်းပြောနေခဲ့တာ သူတို့ကျောင်းက ကလေးတွေကို အခုလို စုံစုံလင်လင်လာလှူဖူးတာ ဒါပထမဆုံးဖြစ်ပြီး ကလေးတွေအတွက် အရမ်းအထောက်အကူဖြစ်လို့ ကိုကိုနဲ့ အလှူရှင်တွေ အကုန်လုံးကို ကျေးဇူးအများကြီးတင်ပါတယ်တဲ့ 🫶 (နောက်လည်း ကိုကိုကြောင့် အလှူအတန်းတွေအများကြီး ဆက်လုပ်နိုင်ပါစေတဲ့ ဆုတောင်းပေးတာ 🤭) ကလေးတွေက ဒီ"ကိုကို"ကို သူတို့သိတယ် သူတို့ စာအုပ်အဖုံးတွေမှာ မြင်ဖူးတယ် ချောတယ်ဆိုပြီး Vinyl ကို ဝိုင်းစပ်စုနေကြတာကလည်း ချစ်စရာလေး >< နောက်ပြီး ဆရာမလေးတွေကလည်း ဆရာမတို့က ရုပ်ရှင်လည်း မကြည့်ဖြစ်၊ သီချင်းတွေလည်း နားမထောင်ဖြစ်တော့ အဲ့အပိုင်းကျသိပ်မသိဘူး ဒါပေမယ့် အဲ့ကောင်လေးက အခုကြည့်နေရင်းတောင် တော်တော်ချောတာပဲ၊ ကြည့်နေရင်း ကြွေလာပြီတဲ့ 😆 ကလေးတွေကို မြေပြင်အဖွဲ့က မမတို့က ဒီကိုကို့မွေးနေ့မို့ သားသားတို့ မီးမီးတို့ကို လက်ဆောင်လာပေးတာပါလို့ ပြောတော့ သူတို့လေးတွေ အရမ်းပျော်နေကြတာ ဘာလက်ဆောင်လဲဆိုပြီး ဝိုင်းစပ်စုကြသေးတယ်ရှင် 😅 ဝေပြီးတော့လည်း ကျောပိုးအိတ်ကို ချက်ချင်းကောက်လွယ်ကြတာ စာအုပ်တွေထည့်ပြီးလွယ်တဲ့သူကလွယ်၊ သူတို့ပစ္စည်းလေးပျောက်သွားမှာစိုးလို့ သိမ်းထားတဲ့သူက သိမ်းထားနဲ့ တော်တော်ပျော်ဖို့ကောင်းခဲ့ပါတယ်။ အငယ်ဆုံးလေးတွေဆို မနိုင်လို့ ကူသယ်ပေးပါဦးဆိုတာက ရှိသေးတယ် 🥹 တကယ့်ချစ်မွှေးလေးတွေပါ။ ကိုကို ကလေးတွေချစ်တာလည်း မပြောနဲ့ ဖြူစင်ကြတာကို 🤍 မှတ်တမ်းဓါတ်ပုံရိုက်နေတယ်လည်းဆိုရော အိုက်တင်တွေထုတ်ပြကြတာ အပြိုင်အဆိုင်ပဲ တစ်ကျောင်းလုံးကသူတွေကို ပေးတာဆိုတော့ အကုန်လုံးပျော်ရွှင်နေကြတာပါ။ 💛 #ProudOfJimin #우리의자랑_지민 #JIMIN #지민 #박지민 - @pjmlandmm