🚨🔥⚠️❌ 4 ບໍລິສັດ ແອບອ້າງຈັດສົ່ງແຮງງານໄປຕ່າງປະເທດ ຖືກສົ່ງດຳເນີນຄະດີແລ້ວ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ເປີດເຜີຍລາຍຊື່ 4 ບໍລິສັດ ທີ່ເຄື່ອນໄຫວແອບອ້າງ ແລະ ເອົາປຽບຜູ້ອອກແຮງງານລາວ ໃນການຈັດສົ່ງໄປເຮັດວຽກຢູ່ຕ່າງປະເທດແບບຜິດກົດໝາຍ, ພ້ອມທັງໄດ້ສະຫຼຸບ ແລະ ສົ່ງເລື່ອງໃຫ້ ກະຊວງປ້ອງກັນຄວາມສະຫງົບ ເພື່ອດຳເນີນມາດຕະການທາງກົດໝາຍຢ່າງເດັດຂາດ. ອີງຕາມບົດຊີ້ແຈງຕໍ່ຂໍ້ຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ X, ເມື່ອວັນທີ 7 ຕຸລາ 2026 , ທ່ານ ໂພໄຊ ໄຊຍະສອນ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໄດ້ລະບຸເຖິງມາດຕະການຕິດຕາມ, ກວດກາ ແລະ ເກັບກຳຂໍ້ມູນ ກ່ຽວກັບກຸ່ມນາຍໜ້າເຖື່ອນ ແລະ ບໍລິສັດຈັດຫາງານທີ່ບໍ່ມີໃບອະນຸຍາດ ຫຼື ເຄື່ອນໄຫວແອບອ້າງ. ຜ່ານການກວດກາຕົວຈິງ ເຫັນວ່າມີ 4 ບໍລິສັດ ທີ່ເຂົ້າຂ່າຍດຳເນີນກິດຈະການຜິດລະບຽບກົດໝາຍ ແລະ ເອົາປຽບແຮງງານ,ໃນນັ້ນ ມີ ບໍລິສັດ ອຳມາລາ ຈຳກັດ, ບໍລິສັດ ທ່ອງທ່ຽວມາລາວ, ບໍລິສັດ ເອດສ ເຊີວິສ ຈຳກັດ ແລະ ບໍລິສັດ ລາວວີຊາ ຈຳກັດ. ກະຊວງ ຮສສ ໄດ້ສົມທົບກັບຂະແໜງການທີ່ກ່ຽວຂ້ອງ ລົງຕິດຕາມ, ກວດກາ ແລະ ເກັບກຳຫຼັກຖານຢ່າງລະອຽດ, ກ່ອນຈະລາຍງານ ແລະ ສົ່ງຕໍ່ໃຫ້ ກະຊວງປ້ອງກັນຄວາມສະຫງົບ ເພື່ອດຳເນີນມາດຕະການຕາມກົດໝາຍ ຕໍ່ບັນດານິຕິບຸກຄົນດັ່ງກ່າວຢ່າງເຂັ້ມງວດ. ພ້ອມດຽວກັນນີ້, ເພື່ອເປັນການປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານລາວ ທັງພາຍໃນ ແລະ ຕ່າງປະເທດ, ກະຊວງ ຮສສ ໄດ້ປະກາດ ເບີໂທສາຍດ່ວນ: 021 217738; 020 99535433 ເພື່ອໃຫ້ຜູ້ອອກແຮງງານ ຫຼື ປະຊາຊົນ ສາມາດໂທແຈ້ງຂໍ້ມູນ, ສະເໜີ ຫຼື ຮ້ອງຮຽນ ເມື່ອພົບເຫັນການແອບອ້າງ, ການເອົາປຽບ ຫຼື ເກີດບັນຫາໃນການໄປເຮັດວຽກຢູ່ຕ່າງປະເທດ ໄດ້ຢ່າງວ່ອງໄວ. ນອກຈາກນີ້, ກະຊວງ ຮສສ ຍັງໄດ້ແຕ່ງຕັ້ງພະນັກງານປະຈຳຢູ່ຕ່າງປະເທດ (ປະຈຸບັນມີຢູ່ ຣາຊະອານາຈັກໄທ ແລະ ກຳລັງສະເໜີແຕ່ງຕັ້ງຕື່ມຢູ່ ສ.ເກົາຫຼີ ແລະ ຍີ່ປຸ່ນ) ພ້ອມທັງກຳນົດໃຫ້ບໍລິສັດຈັດຫາງານທີ່ຖືກຕ້ອງຕາມກົດໝາຍ ຕ້ອງມີພະນັກງານປະຈຳຢູ່ປະເທດປາຍທາງ ເພື່ອຄອຍຮັບຄຳຮ້ອງຮຽນ ແລະ ຊ່ວຍເຫຼືອແຮງງານລາວຢ່າງໃກ້ຊິດ. ຂ່າວ: ເສດຖະກິດ-ສັງຄົມ #lokmai #สมชายแชร์ตะพึ่ด #ทํางานต่างถิ่น - @chai18995