@yiweyiwehnit: ‎ကျေးဇူးတော်လမ်း ‎--------------------------. ‎ ‎အသက်ကိုနောက်မှရှုမယ် ‎ကော်ဖီကိုအရင်သောက်မယ် ‎ငါ့ကိုယ်ငါအရင်ချစ်လည်း ‎မင်းကိုချစ်တာ အရင်ဖြစ်ခဲ့တယ်။ ‎ ‎ကိုယ့်ခါးကို မင်းဖက်ထားထား ‎မင်းခါးကို ကိုယ်ဖက်ထားထား ‎လမ်းဟာ သွားနေဖို့ပဲ။ ‎ ‎မျက်နှာကို လေတိုးနေတာ ဘ၀အရသာ ‎အလွမ်းအဆွေးမှာ ‎မင်းမျက်နှာလည်း ဖြစ်မယ် ကိုယ့်မျက်နှာလည်းဖြစ်မယ် ‎လေထဲ ဆံပင်တွေ လွင့်နေတာ လှတယ်။ ‎ ‎လမ်းပေါ်တစ်နှစ်ပတ်လုံး သွားနေတာပဲ ‎လမ်းပေါ်တစ်နှစ်ပတ်လုံး လူတွေ သေနေကြတာပဲ ‎မသွားလို့မှ မဖြစ် ‎အချစ်မှာ မရောက်လို့မှ မဖြစ်ပဲ။ ‎ ‎လမ်းတစ်လမ်းမှာ အမည်မသိအုတ်ဂူ ‎နောက်တစ်နေရာမှာ သစ်ခြောက်ပင် ‎နည်းနည်းလွန်လာတော့ လမ်းတစ်ဖက်မှာ စိမ်းလန်းသော လယ်ကွင်း ‎ငါလည်း ဆင်းကျန်ခဲ့လို့မှ မဖြစ်ဘဲ ။ ‎ ‎မသာ ဆယ်ခေါက်လည်း ‎လူဟာ ဘယ်မှမရောက်ဘူး။ ‎ ‎အသည်းကွဲတယ်ဆိုတာကလည်း ‎အသည်းရှိခဲ့လို့ပါပဲ ‎အချစ်မှာ ‎အခြား ဘာရှိရမှာလဲ ‎ ‎ငါလည်း ‎မသေအိမ်က မုံညင်းစေ့ပမာ ‎ပျောက်နေတာကို ဘဝထဲမှာမရှာ ‎အရိပ်ထဲမှာမနား ‎အနီးဆုံးဘုရားကိုမဖူး ‎လမ်းဟာ ရူးခါနေတာပဲ။ ‎ ‎ကိုယ်အသက်ကြီးခဲ့ရင် ပင်လယ် တောင်တန်းနဲ့ ‎နယ်မြို့လေးတစ်မြို့မှာ သွားနေမယ် ‎ကိုယ်အသက်မကြီးခဲ့ရင်လည်း ‎ကိုယ်ဟာ တစ်ပြားမှမလျှော့ ‎ရန်ကုန်လမ်းပေါ်မှာပဲပေါ့။ ‎ ‎လင်းနေမှ လူနေတယ် ထင်ယောင်မှားမိတယ် ‎အမှောင်ထဲမှာလည်း ငြိမ်ငြိမ်လေး ကိုယ်နေတယ် ‎ ‎အစကတည်းက မရောက်ခဲ့ရင် ‎ဘယ်တော့မှလည်း မရောက် ‎ကိုယ်လျှောက်နေတဲ့ လမ်းထက် လူဟာပိုမရောက် ‎ ‎အိမ်အပြန်လမ်းတစ်လျှောက် ‎အားလုံးနောက်ကျလည်း ‎တစ်ယောက်ချင်းမှာ ‎မိသားစုတစ်စုချင်းမှာ ‎ခြေလမ်းညီညီစီလို့ ‎မြို့အပြင်က အိမ်ထဲ ‎လေယာဉ်ပျံတီထွင်နိုင်လည်း မပျံသန်းနိုင်ပဲ ‎ပြန်လည်ဝင်ရောက်ပျောက်ကွယ်လို့ ‎ ‎မိုးကုန်မှ မုတ်သုန်ရောက်လာတယ် ‎ဆောင်းဦးရွက်ကြွေထဲ ‎ကျွန်တော်တို့ တဖွဲဖွဲ လွဲသွားကြပုံရတယ်။ ‎ ‎ဝေးကွာခြင်းက ပိုမြင်ရပြီး ‎အတူတကွရှိခြင်းက ပိုကြားရတယ် ‎အမြင်အကြားခြားနားနေတာလည်း အချစ်နဲ့ ဘ၀ပဲ ‎မြင်သလောက်မကြား ‎ကြားသလောက် မမြင် ‎ပြင်ရင် ပျက်တတ်တယ်။ ‎ ‎ရန်ကုန်ကို ငုံ့ကြည့်ဖို့ရာ ‎ကိုယ့်မှာ ကဗျာပဲ ရှိတယ် ‎ချစ်မေတ္တာကတော့ အမြဲဆန်းကြယ် ‎တအံ့တဩ ငေးမောကြည့်ရတယ်။ ‎ ‎စိုင်းဝင်းမြင့် ‎ ‎#credit_to_owner_with_respect ‎#KZT

Yiwe Yiwe

Open In TikTok:

Region: MM

Friday 09 October 2026 11:15:30 GMT