@yoobsaanmilkiidhaa: Namoonni imala dheeraa irra imalaa jiran sadii Lafti yoo itti dhiyu holqa dhagaa hedduun guutame keessa buluuf dirqaman. Halkan walakkaatti sagaleen iccitii tokko holqa dhagaa keessaa akkana isaaniin jedhe: “Imaltoota! Dhagaa lafa irraa hamma dandeessan walitti qabaadhaa baadhaa. Bor ganama yeroo dammaqxan garuu ni dinqisiifattu, ni gadditu, akkasumas ni gammaddus.” kan jedhu dhaga'ame. Namoonni sunis yaada akkasii dhiyyeessan: Namni inni jalqabaa, “Kun hojii faayidaa hin qabne dha. Dukkana keessa dhagaa baadhee of hin dadhabsiisu.” jedhee homaa hin fudhanne. Namni inni lammaffaan, “Mee waan sagaleen jedheef qofa xiqqoo haa fudhadhu.” jedhee dhagaa muraasa qofa korojoo isaatti fudhate. Namni inni sadaffaan garuu, “Bor maal akka ta'u hin beeknu; garuu hojjechuun hojii dhiisuu caala.” jedhee korojoo isaa hanga guututti dhagaa walitti qabe korojoo isaatti naqate. Ganama yommuu ifni ba'ee bari'u holqa keessaa ba'anii korojoo isaanii yommuu banan, dhagaan hundi gara warqee fi albuuda gatii guddaa qabuutti jijjiiramee argan. Namni homaa hin qabanne gadda guddaan boo'e. Kan muraasa qofa walitti qabe ammoo, “Osoon baay'isee walitti qabadheera ta'e!” jedhee gaabbe. Kan baay'ee walitti qabe garuu gammachuu guddaan mirqaane. Maal baranna?: Jireenyi akkuma holqa sanaa dha. Barumsi har'a barannu, Carraaleen deeddeebi'anii nutti dhuufan, kitaabni har'a dubbisnu, gaarummaan raawwannu fi obsi har'a agarsiisnu, yeroo ammaa akka dhagaa ulfaataa nutti ulfaachuu danda'a. Warri hojii jibban, “Maal na fayyada?” jedhanii bira darbu Garuu bor yeroo aduun jireenyaa yeroo isheetti baatu, dhagaan har'a walitti qabne hundi gara milkaa'inaa, badhaadhinaa fi albuuda gatii guddaa qabuutti ni jijjiirama. Ergaan isaa: Har'a waan gaarii hojjechuu irraa hin qusatiin. Hojiin kee, barumsi kee fi obsi kee har'aa bor bu'aa guddaa siif fida. Via kanan dubbisee irraa

💝🌸Tesfaa💥🌄💝💮💫

Open In TikTok:

Region: ET

Friday 09 October 2026 16:27:57 GMT