@idinaelbakry: لو عندك تعلق تجنبي أوعى تعمل ده — رقم 5 ما تفتكرش إن سكوتك دايما حماية إنت ساعات بتسكت عشان تتجنب الخلاف تسكت عشان ما تدخلش في مواجهة تسكت عشان خايف تسمع كلام يوجعك خايف تتلام خايف تترفض خايف تتعاقب فتقول: “حاضر” “ماشي” “طيب” وممكن تعتذر وإنت أصلا مش مقتنع وممكن تروح تصالح وإنت جواك لسه موجوع وهنا المشكلة تبدأ تكبر لأنك ما حليتش الخلاف إنت دفنته وكل مرة تسكت فيها الكلام بيتراكم لحد ما توصل لمرحلة: “أنا مش قادر” “أنا مخنوق” “أنا عايز أبعد” وبعدين تختفي بس الحقيقة؟ إنت ما اختفيتش بسبب المشكلة الأخيرة إنت اختفيت بسبب 20 مشكلة سكتّ عليهم قبلها وعشان كده لو إنت مش قادر تتكلم وقت الخلاف مش لازم تعمل محاضرة. قول جملة واحدة: “السلوك ده مخليني متوتر وأنا مش قادر أتناقش دلوقتي بس محتاج نرجع نتكلم فيه” أو: “أنا متضايق من الطريقة دي” “أنا حاسس إنك بتهاجمني” “الكلام ده وجعني” “محتاج وقت أهدى وبعدها نتكلم” حتى لو مش قادر تقولها وش لوش ابعتها Message المهم ما تعملش حاجة واحدة: ما تقولش إنك كويس وإنت مش كويس ولو الطرف التاني ضغط عليك وقال: “لا، نتكلم دلوقتي” من حقك تقول: “أنا بعرفك إني متضايق لكن مش قادر أتناقش دلوقتي هحتاج وقت أهدى وبعدها نكمل” وده مش انسحاب ده تنظيم للمشاعر الانسحاب هو إنك تختفي وتسيب الشخص مش فاهم أما التواصل الصحي فهو إنك تقول: أنا متضايق أنا محتاج وقت وهارجع وعشان كده لو عندك تعلق تجنبي اتعلم تواجه المشكلة وهي صغيرة قبل ما تتحول جواك لحائط كبير بينك وبين الشخص اللي قدامك لأن خوفك من المواجهة عشان الشخص ما يسيبكش ممكن يكون هو نفسه اللي يخليه يسيبك في الآخر وده رقم 5: اتكلم قبل ما سكوتك يتحول لاختفاء تقدر دلوقتي تحجز مكانك في محاضرة كيفية التعامل مع التجنبي للحجز والاستفسار:01022689502 #fy #life #foryo #like #foryourpage
