| 𝐃𝐀𝐕𝐀𝐎 𝐂𝐈𝐓𝐘 𝐌𝐀𝐘𝐎𝐑 𝐁𝐀𝐒𝐓𝐄 𝐃𝐔𝐓𝐄𝐑𝐓𝐄 𝐍𝐀𝐍𝐀𝐖𝐀𝐆𝐀𝐍𝐆 𝐌𝐀𝐆-𝐎𝐑𝐆𝐀𝐍𝐈𝐒𝐀 𝐏𝐀𝐑𝐀 𝐒𝐀 𝟐𝟎𝟐𝟖 𝐄𝐋𝐄𝐂𝐓𝐈𝐎𝐍𝐒 Nanawagan si Davao City Mayor Sebastian “Baste” Duterte sa kaniyang mga tagasuporta na magsimulang mag-organisa at maghanda para sa 2028 elections, kasabay ng kaniyang mga puna sa lumalalang kalagayan ng ekonomiya, pagtaas ng gastusin at pagkawala umano ng malaking halaga ng pera ng bayan dahil sa korapsyon. “We need to organize ourselves and to prepare for the 2028 elections,” pahayag ni Duterte, na binigyang-diin ang kahalagahan ng paghahanda habang papalapit ang susunod na halalan. Ayon kay Baste, patuloy umanong humihirap ang buhay ng mga Pilipino dahil sa kalagayan ng ekonomiya. “We all know, it’s really so bad right now. The economy is so bad. The living conditions of people are getting worse by the day,” aniya. Binigyang-diin din niya ang hirap na nararanasan ng mga pamilyang kailangang pagkasyahin ang kanilang sahod para sa pagkain, edukasyon ng mga anak at gastusing medikal. “Ang hirap ng buhay ngayon, lalo na mahal yung mga bilihin. Magkano lang sinusuweldo ng tao, magpapa-aral pa ng mga anak, minsan nagkakasakit pa. Wala nang naipon na tao,” saad niya. Sa kabila ng paghihigpit ng sinturon ng mga mamamayan, kinuwestiyon din ni Duterte ang umano’y malaking halagang nawawala dahil sa korapsyon. “And yet, we are losing a lot of money to corruption,” dagdag niya. Dahil sa kaniyang panawagan, muling nabuksan ang usapin tungkol sa maagang paghahanda ng mga puwersang politikal para sa 2028 elections. Gayunman, wala siyang tahasang inanunsiyong partikular na kandidatura sa mga pahayag na ito. Ang kaniyang panawagan ay nakatuon sa pag-oorganisa at paghahanda ng kanilang hanay para sa susunod na halalan. - @leur597