@myatthunews: သူရ/BVJ- ၁၀အောက်တိုဘာ၊၂၀၂၆ မြန်မာစစ်တပ်နဲ့ စီပွားရေးပေါင်းလုပ်နေတဲ့ (Shwe Byain Phyu) ရွှေဗျိုင်းဖြူ ကုပ္မဏီ အုပ်စု ပိုင်ရှင် ဦးသိန်းဝင်းဇော်ရဲ့ သမီးဖြစ်သူ မသိမ့်ဝင်းထက်ပေါ် ချမှတ်ထားတဲ့ အမေရိကန်အစိုးရရဲ့ ပိတ်ဆို့အရေးယူမှုကို အမေရိကန်ဘက်က ပြန်လည်ရုပ်သိမ်းပေးလိုက်ပါတယ်။ မသိမ့်ဝင်းထက် ဟာ အမေရိကန်အစိုးရက ချမှတ်ထားတဲ့ (Blacklist) နာမည်ပျက် စာရင်းထဲကနေ ပယ်ဖျက်ပေးဖို့ တရားစွဲဆို တောင်းဆိုခဲ့ပြီးနောက် အခုလို ပိတ်ဆို့မှု ရုပ်သိမ်းခံခဲ့ရတာ ဖြစ်ပါတယ်။ သိမ့်ဝင်းထက်ဟာ ဖခင်ဖြစ်သူရဲ့ စီးပွားရေးလုပ်ငန်းတွေမှာ တက်ကြွစွာ ပါဝင်ဆောင်ရွက်ခြင်း မရှိကြောင်းနဲ့ အမေရိကန်နိုင်ငံ နယူးယောက်တက္ကသိုလ် (NYU) မှာ ဘွဲ့ရရှိခဲ့ပြီး၊ ကိုလံဘီယာတက္ကသိုလ် (Columbia University) မှာ မဟာဘွဲ့ ဆက်လက်သင်ကြားနေစဉ်အတွင်း ပိတ်ဆို့မှုတွေကြောင့် ဘဏ်အကောင့်ပိတ်ခံရတာ၊ ခရက်ဒစ်ကတ် သုံးမရတော့တာနဲ့ ပညာရေး ဆက်လက်ဆည်းပူးဖို့ ကြီးမားတဲ့ အခက်အခဲတွေ ကြုံတွေ့ခဲ့ရတဲ့အတွက် အမေရိကန်အစိုးရကို တရားရုံးမှာ ဒီနှစ်ဇူလိုင်လက တရားစွဲဆို ကန့်ကွက်ခဲ့ပါတယ်။ သူ့ရဲ့ legais (ဥပဒေရေးရာ) လျှောက်ထားချက်နဲ့အတူ သိမ့်ဝင်းထက်ကိုယ်တိုင်က ဖခင်ဖြစ်သူရဲ့ လုပ်ငန်းတွေနဲ့ တိုက်ရိုက် ပတ်သက်မှုမရှိကြောင်း တင်ပြနိုင်ခဲ့တာကြောင့် အမေရိကန်ဘဏ္ဍာရေးဌာနက သူမကို အမေရိကန်ရဲ့ အထူးအလိုရှိသော ပိတ်ဆို့စာရင်း (SDN List) ကနေ ပယ်ဖျက်ပေးခဲ့တာ ဖြစ်ပါတယ်။ အဲ့ဒီနောက် သူမရဲ့ ရှေ့နေကလည်း တရားစွဲဆိုမှုကို ပြန်လည်ရုပ်သိမ်းခဲ့ပါတယ်။ "Justice For Myanmar" ကဲ့သို့သော အရပ်ဘက် အဖွဲ့အစည်းတွေကတော့ မြန်မာစစ်တပ်က ပြည်သူတွေအပေါ် အကြမ်းဖက်မှုတွေနဲ့ လေကြောင်းတိုက်ခိုက်မှုတွေကို ပိုမိုတိုးမြှင့်လုပ်ဆောင်နေချိန်မှာ စစ်ကောင်စီကို ထောက်ပံ့နေတဲ့ ခရိုနီမိသားစုဝင်တွေအပေါ် ပိတ်ဆို့မှုကို တစ်စိတ်တစ်ပိုင်း ဖြေလျှော့ပေးတာဟာ လုံးဝ မသင့်တော်ကြောင်း ပြင်းပြင်းထန်ထန် ဝေဖန်ရှုတ်ချခဲ့ကြပါတယ်။ သမ္မတဟောင်း ဘိုင်ဒင်အစိုးရလက်ထက်က စစ်ကောင်စီကို အကြွင်းမဲ့ ဖယ်ရှားပစ်ဖို့နဲ့ အထီးကျန်ဖြစ်စေဖို့ အဓိကထား လုပ်ဆောင်ခဲ့ပေမဲ့၊ ယခု ဒေါ်နယ်ထရမ့် အစိုးရလက်ထက်မှာတော့ သံတမန်ရေးရာ ဆွေးနွေးညှိနှိုင်းမှုလမ်းကြောင်းတွေကို ပြန်လည်ဖွင့်လှစ်လာခဲ့ပါတယ်။ ပြီးတော့ အချို့သော စစ်ကောင်စီနဲ့ နီးစပ်တဲ့ စီးပွားရေးလုပ်ငန်းရှင်တွေနဲ့ မိသားစုဝင်တွေရဲ့ အမေရိကန်ဘက်က ပိတ်ဆို့အရေးယူမှုတွေကို တစ်စိတ်တစ်ပိုင်း ပြန်လည်ရုပ်သိမ်းပေးလာတာတွေ ရှိလာပါတယ်။ မြန်မာစစ်တပ်က ပြည်သူလူထုအပေါ် အကြမ်းဖက်မှုတွေနဲ့ လေကြောင်းတိုက်ခိုက်မှုတွေ ဆက်လက်လုပ်ဆောင်နေချိန်မှာ အမေရိကန်ဘက်က အခုလို ချဉ်းကပ်မှုအသစ်တွေ လုပ်ဆောင်နေတာဟာ တရားမျှတမှုအတွက် တွန်းအားပေးနေတဲ့ အရပ်ဘက် အဖွဲ့အစည်းတွေအတွက် စိုးရိမ်စရာ ဖြစ်လာစေပါတယ်။ အမေရိကန်အစိုးရဟာ အဆိုပါ စီးပွားရေးလုပ်ငန်းရှင်နှင့် ဆက်နွှယ်နေတဲ့ သမီးဖြစ်သူ သိမ့်ဝင်းထက် Theint Win Htet ကို ပိတ်ဆို့မှုစာရင်း (SDN List) မှ ပယ်ဖျက်ပေးခဲ့သော် လည်း ကုမ္ပဏီနှင့် အဓိကပုဂ္ဂိုလ်များအပေါ် ပိတ်ဆို့မှုများ ဆက်လက်တည်ရှိ နေဆဲဖြစ်ပါတယ်။ မြန်မာစစ်အုပ်စု ခေါင်းဆောင် မင်းအောင်လှိုင်ဟာ သူတို့စစ်အုပ်စုနဲ့ ဆက်နွှယ်နေတဲ့ ရွှေဗျိုင်းဖြူ ကုမ္ပဏီအုပ်စု ဥက္ကဋ္ဌ ဦးသိန်းဝင်းဇော် အပါအဝင် စီးပွားရေးလုပ်ငန်းရှင် အချို့ကို ၂၀၂၅ခုနှစ် နိုဝင်ဘာ၁၄ရက်နေ့က ဂုဏ်ထူးဆောင် ဝန်ထမ်းကောင်းတံဆိပ်တွေ ချီးမြှင့်ခဲ့ပါတယ်။ #ရွှေဗျိုင်းဖြူကုမ္ပဏီ #မသိမ့်ဝင်းထက်

TK Khaing

Open In TikTok:

Region: MM

Saturday 10 October 2026 02:09:37 GMT