@ufr_tz: Mkuu wa Kikosi cha Usalama Barabarani Mkoa wa Tabora, Mrakibu Mwandamizi wa Polisi Peter Magayane, amesema baadhi ya waendesha bodaboda bado wanakiuka sheria za barabarani licha ya kuendelea kupewa elimu, hali inayochochea Jeshi la Polisi kuimarisha operesheni za kuwabaini na kuwachukulia hatua. Akizungumza na UFR, Magayane amesema kupitia operesheni hiyo maalumu, Jeshi la Polisi linaendelea kushirikiana na viongozi wa waendesha bodaboda kuhakikisha wanazingatia sheria, ikiwemo kuvaa kofia ngumu. Amesema Jeshi la Polisi halina nia ya kuwaonea waendesha bodaboda, bali kuhakikisha usalama barabarani unazingatiwa, huku akiwataka kufuata sheria ili kuepuka hatua za kisheria, ikiwemo kufikishwa mahakamani. Kwa upande wao, waendesha bodaboda wameunga mkono operesheni hiyo, wakisema juhudi za kuhakikisha sheria za barabarani zinafuatwa zinapaswa kuheshimiwa. Nao baadhi ya wananchi wa Manispaa ya Tabora wameeleza kufurahishwa na operesheni hiyo, wakisema itasaidia kuimarisha usalama barabarani. 📻 Sikiliza Uyui FM Radio popote ulipo duniani, bofya kiungo (link) kwenye bio yetu. #2026Fanikisha #tunasambazaunyamwezi #Fanikisha #radioyetusautiyetu

Uyui FM Radio

Open In TikTok:

Region: TZ

Saturday 10 October 2026 06:27:05 GMT