من أجمل أغنيات حقيبة الفن فى الغزل العفيف, حيث أبدع فى إختيار كلماتها الشاعر الجميل عبدالرحمن الريح ،وتغنى بها ميرغنى المامون وأحمد حسن جمعه وعباقرة الزمن الجميل فى حقيبة الفن السودانى،كما غناها جمال فرفور وعصام محمد نور والطيب مدثر وآخرين أجادو وأبدعو.. وهذه هى كلمات الأغنيه: كلمات الشاعر عبد الرحمن الريح: الشادِن الهالِكني ريدو هَلَك النفوس والناس تُريدو مالو لو يرحم مُريدو في الكون وحيد والكون فريدو فيهو لا يوجد طريدو نظم القلوب في سلك ريدو لبسن قلايد في وريدو الجيل قديمو على جديدو بيهو اعتراف معدوم نديدو فاق السلاح وفضح حديدو نقرابي في صفحة خديدو يصعب علي وصف قصيدو صعبان علي أنظم نشيدو دا غزال وسارح بين صيدو يا زول محال شركك يصيدو إنسان كحيل ناعس هجيدو جيد الغزالة كأنه جيدو مهما أقول والقول أجيدو أنا وصفو كيف أقدر أجيدو كلما أقول الحظ يعيدو نحس الزمان يسبق سعيده القطر دانيهو وبعيده 🌿🩵🌸🌹❤️🌷🌿🩵🌸🌹❤️🌷🩵🌸🌹🌿 #اغاني_سودانية #شادن_عفيف #غناء_وطرب #سودان_عشق #creatorsearchinsights - @khalidabdelrahmansalih