العاوز يكون جنبك ما بيغلبوا شيء و العايز يصل ليك بيعرف كيف يصل حتى لو كانت كل الدروب مقفله في وشو ! وأزيدكم من الشِعر بيت ! العاوز يحافظ عليك في حياتو وما يخسرك بيعرف كيف يحافظ عليك ! ما تصدقوا الأعذار الواهية ! كل الناس الإختاروا الفُراق = أعذارهم كانت قبيحة شديد ! قبيحة لدرجة خلتنا نكتشف إننا كُنا عاديين شديد في حياتهم ! وإنو كل الوعود كانت مجرد كلام وإتقّال .. إختاروا إنهم يمشوا من حياتنا لكن أثبتوا لينا حقيقة مُرة شديد ! = أثبتوا لينا إنو ماف زول بيدوم لي زول وإنو كل الناس دي فترات في حياة بعض !)) صدقوني ما تغشكم عبارة " نحن بنبقى عمر للباقي علينا " = كلهم وقت الفراق بيبقوا بياعين فما في زول بيبقى باقي على زول ! وطلعنا نحن المتمكسين بيهم ع الفاضي ! عشان كدا بطل تعشم في الزول القدامك وإتأكد تماماً إنو الزول البكون قريب من قلبك الليلة بكرة حيبقى ألدّ أعدائك وترجعوا أغراب من تاني ! صاحب نفسك وبس وأضمن نفسك لكن ما تضمن الحوليك .. وقت الحارة ما حتلقى زول من الناس البتحبهم جنبك .. كلهم عايزين يشوفوك بي نسختك الحلوة والفرفوشة وبس .. لكن وقت نسختك تبقى بائسة وكئيبة حتلقى نفسك براك وبرااااك شديد كمان .. حافظ على قلبك للبستاهلك والبقدرك والبصونك.. أهون ليك تعيش براك بدل تعيش وسط ناس بتاعت كلام وبياعة عُشرة ! أنا كنت بتمنى إنك تبيع الدنيا كلها وتشتري قلبي وتفضل معاي ! بس أنت بعتني وأشتريت الدنيا كلها وأديتني ضهرك ومشيت !)) 💔 - @kjoonka63