@sandi81551: هذا المساء 🫂❤❤❤❤. "ورفيق صالح نأمن معه على الدين والدنيا معاً❤️‍🩹" التفكير في شريك الحياة شيء نسبي وبختلف من شخص لتاني.. ودائماً وجهات النظر لازم تكون محترمة لانو حتى في الدين قالوا "الدين يسر وليس عسر" انت من حقك تنصح بس ما من حقك تفرض على شخص شيء.. فكل شخص بيعرف نفسو هو بيعمل في شنو وعايز شنو وبيختار كيف وعلى ياتو أسس.. بس بالنسبة لي شريك الحياة لازم يكون شخص بخاف الله فيني وفي نفسو❤️ البخاف الله بيعمل حساب لألف حاجة قبل ما يعملها بيعرف كيف يتناقش وكيف يتعامل وكيف حتى يعاين! بيقدر يفرز الحاجات الدنيوية من حاجات الآخرة حيكون من الفئة البتهتم بكلام الإسلام عن احترام المرأة ومحبتها وخفض الجناح ليها حيكون فاهم يعني شنو: "خيرُكم خيرُكم لِأَهْلِهِ، وأنا خيرُكم لِأهْلِي، ما أكرَمَ النساءَ إلَّا كريمٌ، ولَا أهانَهُنَّ إِلَّا لئيمٌ" ما اي زول بيقدر يفهم الحاجة دي! لازم نختار البيفهم والبِحن❤️ لانو حتى الحنية نادرة... الرسول صلى الله عليه وسلم كان بيقول للسيدة عائشة رضي الله عنها: (حبي لك كعقدة حبل، لا يستطيع أحد حلها)❤️ الحب موجود.. بس الحب الحلال مع الشخص الصاح والكاتبو ربنا.. بس بصدق لو طلبت من ربنا من قلبك وبإيمان الصفات الانت عايزها في شريكك حتختصر لنفسك مشوار طويل لانو حتى الليلة لو افترقتو لأسباب خارجة عن الإرادة.. حيفك حبلك باحترام وبمعروف وما حيبخل على مسؤوليتو ولو بالكلمة الطيبة! ما تخلو الدعوة تكون يارب اعرس! خلو الدعوة شاملة صفات الشريك مهما كانت بالنسبة ليكم شنو❤️ #على_عتبة_النهاية اللهم الشريك الهيّن الليّن، الصالح، قارئ القرآن، وصاحب كل الأزمان، المهذب🫂❤❤❤. #مالي_خلق_احط_هاشتاقات #creatorsearchinsights #فرنسا🇨🇵_بلجيكا🇧🇪_المانيا🇩🇪_اسباني #سودانيز_تيك_توك_مشاهير_السودان🇸🇩

السمحه❤.

Open In TikTok:

Region: SD

Saturday 10 October 2026 12:20:40 GMT