स्याल कुकुरभन्दा धेरै चलाख हुन्छ। उसले परिस्थितिलाई आफ्नो पक्षमा पार्न सक्छ, खतरा आउँदा बाटो बदल्न सक्छ र आफूलाई बचाउन अनेक उपाय निकाल्न सक्छ। तर मानिसले स्याललाई घरको सदस्य बनाएर पाल्दैन। किनकि जीवनमा चलाखी मात्र होइन, विश्वास पनि चाहिन्छ। मानिसले कुकुर पाल्छ, किनकि उसले मालिकलाई स्वार्थले होइन, इमानदारीले माया गर्छ। मालिकले एकपटक माया दिएको भरमा पनि कुकुर वर्षौँसम्म त्यो माया सम्झेर बस्छ। घरमा कोही नभए पनि ढोकामा पर्खिरहन्छ, मालिक फर्किने आशामा बाटो हेरिरहन्छ। उसलाई धन, सुविधा वा ठूलो कुरा चाहिँदैन, थोरै माया र अपनत्व नै काफी हुन्छ। मानिसको सम्बन्ध पनि यस्तै हुन्छ। धेरै चलाख मानिससँग कुरा गर्दा हामी प्रभावित त हुन सक्छौँ, तर मन खोल्न डराउँछौँ। किनकि उसको बोली मीठो भए पनि नियत कस्तो छ भन्ने शंका रहन्छ। तर इमानदार मानिससँग हुँदा मन ढुक्क हुन्छ। उसको कमजोरी थाहा हुँदाहुँदै पनि उसलाई छोड्न मन लाग्दैन, किनकि उसको मनमा छलकपट हुँदैन। जीवनमा अन्ततः मानिसलाई आफूभन्दा चलाख व्यक्ति होइन, आफूलाई धोका नदिने व्यक्ति चाहिन्छ। सम्बन्ध विश्वासले टिक्छ। कहिलेकाहीँ संसार जित्ने चलाख मानिसभन्दा, साधारण भएर पनि कसैको विश्वास जोगाउने मानिस नै वास्तवमा धनी हुन्छ। #everyoneactive #untoldनेपाली #motivate #fyp #takeyourtime - @prernakosabda