@ab.du.llah0: كان زماني فاكر إن الصحاب وقت الشدة هما السند، وإن العِشرة مستحيل تضيع. لكن اتعلمت إن مش كل حد كان واقف جنبك كان بيتمنى لك الخير. في ناس بتلبس وش الوفا، ولما تيجي أول مصلحة أو أول اختبار، تلاقيهم أول ناس باعوا العِشرة ورموا كل الذكريات ورا ضهرهم. الغريب لما يغدرك بتتضايق، لكن لما الغدر ييجي من حد كنت معتبره أخوك، الوجع بيكون أضعاف. يمكن الخسارة وجعت، لكن كسبت درس عمره ما هيتنسي: الثقة مش بتتدي لأي حد، والوفا بقى عملة نادرة. مش كل اللي ضحك معاك صاحب، ومش كل اللي قالك “أنا جنبك” هيكمل معاك. الأيام كفيلة إنها تكشف كل واحد على حقيقته، واللي باع مرة هيرخص ألف مرة. في النهاية، الحمد لله على كل شخص خرج من حياتي وكشف حقيقته بدري، لأن الصحاب الحقيقيين قليلين، لكن وجودهم يغني عن ألف شخص مزيف.

🫨﮼عبدالله 🫨

Open In TikTok:

Region: EG

Saturday 10 October 2026 13:56:53 GMT