-:: كمت ونضفت ملابسي من التراب وباوعت عليهَ وطلع عَلي لَيان :: ع فكرة محد كالك كومني عَلي :: اي خوش حجي محد كال اكومج اني كلت لنفسي -:: صغرت عيوني باوعت عليهَ وخزرتة عَلي :: الله عليج هيَ هاي هم خزرة؟ هاي خزرة مال فهاوة لَيان :: اسكت يلا لتحجي وياية عَلي :: امشي -:: شال الكارتونة مال مي ووصلنة يم الباب مال المطبخ لَيان :: انطيني الكارتونة هسة عبالهم اني فاهية وانتَ الي شلتها حتى لو انتَ شلتها ووصلتني اني الي جبتها علساس عَلي :: ميخالف -:: كلبت عيوني معاجبني الوضع علساس ضايجة لَيان :: شبييييك صافن عَلي :: مشتاقلج لَيان :: شنو؟ عَلي :: غلسي -:: سمعتة شنو كال بس حيل خجلت فدوة لـ الله شكد خجولة اني ، اخذت الكارتونة عود اني ممهتمة إله وهوَ هذا الأحسن خليه هيج يتحصر ارجع احجي وياه مثل قبل -:: طبيت ورحت حطيتها بالمطبخ واجتي مرت عمي مرت عمي :: عفية عفية اروحلج فدوة هاي انتِ شلتيها -:: ردت اكللها غصباً ما عليج تروحين فدوة الي بس ابتسمت الأبتسامة الي علساس كيوت لَيان :: اي لعد شعبالج اني جداً نادرة حتى قنينة الغاز اني اشيلها مرت عمي :: فدوة اروحلج حبيبتي روحي اكعدي يم البنات خاف تعبتي لأن ثكيلة -:: عفتها ورحت كعدت يم البنات واجتي سدن اللوكية سدن :: باعوا بنات اني هستوني جنت واكفة يم علاوي -:: قبل لتخلص كلامها جود حجت جود :: لتاكلين تبن ترة انتهى موضوع الخطوبة ليش تفتحينة؟؟ سدن :: عوع اسمعي شنو راح اكول ع الأقل جود :: سدنننن شخصيتج زبال.ة ترة محلو هيج سدن :: محد اخذ رأيج يا حيـ ـوان.ة جود :: ماكو غيرج .... -:: بقن يتعاركن وباوعتلي سدن بنضرة من فوك ليجوة سدن :: شو ساكتة الحية؟ لَيان :: ماكو غيرج الحية حبيبتي سدونة التس سدن :: هذا اقوى رد عندج؟ لَيان :: اني ما عندي ردود اني عندي افعال تحبين تجربين؟ سدن :: شتسوين مثلاً؟ لَيان :: يعني مثلاً اجي احط رجلي بحلكج مثلاً اسحلج من شعرج الي جنة خيسة حسب اختيارج سدن :: بصمة لو كتابة؟ لَيان :: حسب اخلاقج -:: فشلتها وعفتها تنبح وطلعت بالحديقة اجيب نبك فَ شنو إجة عَلي ووكف يمي -:: ما حجيت شيء وبقيت اخذ واكل بدون غسل حتى عَلي :: ليش تاكلينة بدون غسل؟ لَيان :: مالك علاقة بكيفي -:: بقيت اكل كدامة وهوَ يباوع عليه لَيان :: شنو قردة كدامك بس تباوع؟ -:: ضحك هوَ وغميتة عَلي :: بسبس لَيان :: مو بسبس اني عَلي :: ليونة لَيان :: مو ليونة عَلي :: بنت حمودي لَيان :: ولا بنت حمودي عَلي :: المايعة لَيان :: صوتك يزعجني روحلها عيني اني ما افيد شعندك واكف يمي؟ عَلي :: منية؟ لَيان :: حبيبتك عَلي :: اي منية؟ لَيان :: سدونة حبيبة الئلب عَلي :: تروحلج فدوة لَيان :: كافي عاد ترة حيل ضجت روح يمها ليش واكف يمي؟ عَلي :: من كل عقلج؟ يا سدن سدن وعشيرتها تروحلج فدوة -:: سكتت وما حجيت وكعدت اباوع ع النخلة وهوَ ورث جكارة وكعد يمي بس مسافة بيناتنة شوية عَلي :: شبيج ضايجة لَيان :: ما عليك عَلي :: لاعبين بالأعدادات مالتج -:: بقيت ساكتة وهوَ هم سكت عَلي :: ليون لَيان :: شكو؟ عَلي :: احبج #ليان #ماشا - @la_a913