@chjerry01: تمہارا راستہ ہمیشہ میری آنکھوں کے سامنے تھا۔ مگر شاید میری قسمت میں تمہارا ساتھ لکھا ہی نہیں تھا۔ میں نے تمہیں صرف چاہا نہیں تھا، بلکہ اپنی دعاؤں، اپنی خاموشیوں اور اپنی ہر دھڑکن میں بسایا تھا۔ تمہارے ساتھ گزرے ہوئے لمحے آج بھی میرے اندر کہیں زندہ ہیں۔ وہ باتیں، وہ مسکراہٹیں، وہ خاموش نظروں کے اشارے، سب کچھ وقت کے ساتھ دھندلا تو گیا۔ مگر میرے دل سے کبھی مٹ نہ سکا۔ کبھی کبھی دل چاہتا ہے ۔ کہ سب کچھ بھول جاؤں، تمہاری یادوں سے خود کو آزاد کر لوں۔ مگر دل بھی عجیب ضدی چیز ہے۔ جسے سب سے زیادہ بھولنا چاہو، وہی سب سے زیادہ یاد آتا ہے۔ تمہیں شاید خبر بھی نہ ہو کہ تمہارے بعد میں نے کتنی راتیں خود سے باتیں کرتے گزاری ہیں، کتنی بار تمہارا نام لبوں تک آ کر خاموشی میں دفن ہوا، اور کتنی بار آنکھوں نے وہ درد بیان کیا جسے زبان کبھی کہہ نہ سکی۔ تمہارے بغیر زندگی تو گزر رہی ہے، مگر وہ زندگی نہیں جس کا کبھی خواب دیکھا تھا۔ اب خوشی بھی ملے تو دل اداس رہتا ہے، کیونکہ کچھ لوگ زندگی سے چلے جائیں، تو اپنے ساتھ زندگی کا ایک خوبصورت حصہ بھی لے جاتے ہیں۔ شاید تم میرے نصیب میں نہیں تھے، مگر یہ حقیقت بھی اپنی جگہ ہے، کہ تم میری زندگی کی وہ خواہش تھے ۔ جسے میں نے سب سے زیادہ سچ سمجھ کر مانگا تھا۔ اب تم نہیں ہو، مگر تمہاری یاد آج بھی میرے ساتھ ہے۔ اور شاید یہی میری محبت کی آخری نشانی ہے۔

شیری کی باتیں💔

Open In TikTok:

Region: PK

Saturday 10 October 2026 15:39:47 GMT